Lajme

Gjykata i cakton arrest shtëpiak 41-vjeçares që prezantohej si dietologe në Tiranë

Autori: Gazeta inFokus 13:45 | 16 October 2022

Gjykata e Tiranës ka caktuar masën e sigurisë arrest në shtëpi për dietologen e arrestuar tre ditë më parë, Silvana Balliu.

Gjatë seancës, 41-vjeçarja nuk ka dhënë asnjë sqarim për shkak të gjendjes së rënduar psikologjike.

Ndërsa avokati mbrojtës, Jordan Daci, kundërshtoi pretendimet e prokurorisë se klientja e tij është e dyshuar për mashtrim.

-Advertisement-

Silvana Balliu u arrestua më 13 tetor në kuadër të operacionit “Dietologia”.

41-vjeçarja administronte një subjekt në zonën e Brrylit, të cilin nuk e kishte të regjistruar pranë organeve përkatëse dhe fshihte të ardhurat e fituara prej tij.

Në bazë të verifikimeve të kryera ka rezultuar se shtetasja Silvana prezantohej si dietologe dhe me anë të mashtrimit përfitonte shuma të ndryshme parash, nga 150-300 euro, nga qytetarë të ndryshëm, për përgatitjen e dietave të personalizuara.

Gjatë ndërhyrjes nga shërbimet e Policisë, kjo shtetase ka fshirë nga telefonin e saj, bisedat me qytetarët (klientët), me qëllim për të penguar zbulimin e së vërtetës.

Nga investigimi i “Piranjave” në ABC rezultoi se nuk ka laborator të certifikuar që kryen analizën e intolerancës ushqimorë në Kosovë, Shqipëri dhe Maqedoni të Veriut./Abcnews.al/

Subscribe në YouTube: GAZETA INFOKUSI
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

lajme