Fun & Video

I gjithë fisi ka lindur me gishtat e duarve të ngjitur – kanë një shpjegim interesant për këtë! (Foto)

Autori: Gazeta inFokus 10:18 | 17 May 2017

Një fis indian ka 140 anëtarë me gishta të ngjitur dhe ata besojnë se ky është një bekim nga Zoti.

Edhe pse kjo sëmundje është e kurueshme me anë të ndërhyrjeve kirurgjikale, anëtarët e fisit, të prekur nga ky deformim refuzojnë ta bëjnë sepse mendojnë se do te ishte një fatkeqësi.

Anëtari i fisit Jagadamma tha se duart e tyre duken sikur janë si koka gjarpri, përcjell gsh.

-Advertisement-

“Shtëpia jonë e stërgjyshërve ka një korije të shenjtë ku adhurohen gjarpërinjtë dhe ne e konsiderojmë këtë gjë si një bekim. Megjithatë është ende e paqartë se çfarë e shkakton këtë gjendje në familje dhe për këtë ka disa spekulime”, tha ai.

Një tjetër anëtari i familjes shtoi: “Gjyshi im më kishte treguar për një grindje që familja jonë kishte me një familje të krishterë për kufijtë e pronës. Familja e krishterë preu një nga pemët në gropën tonë të shenjtë. Që prej asaj kohe, fëmijët e fisit tonë kanë lindur me gishtat e dorës të ngjitur”.

“Ndërkohë, familja e krishterë u prek nga një lloj sëmundjeje dhe shpesh ata e braktisën tokën dhe u larguan nga vendi. Ne nuk e dimë nëse kjo histori është e vërtetë. Megjithatë kjo gjendje gjenetike, nuk u shkakton pengesa gjatë kryerjes së aktiviteteve ditore. Thjeshtë ata nuk mund të mbajnë unaza nëpër duar”, tha ai.