Lajme

Gjilani organizon festën tradicionale të falënderimeve “Darka e Lamës”

Autori: Gazeta inFokus 12:05 | 21 December 2022

Komuna e Gjilanit ka organizuar festën tradicionale të falënderimeve “Darka e Lamës”.

Kryetari Alban Hyseni, ka thënë se kjo festë i bashkon të gjithë, pa dallime, derisa ka uruar që prodhimet vendore të vazhdojnë të blihen nga qytetarët.

“Këto festa tradicionale që i kemi si komb, do të ishte më mirë që të ruhen edhe në të ardhmen. Ne jemi mbledhur këtu, pa dallime politike apo të tjera, në festë që bashkon kombin e popullin me qëllim që ta ruajmë traditën dhe ta vazhdojmë atë më tutje. Është shumë e rëndësishme që t’i çmojmë produktet që i kemi në tryezat tona, sidomos ato që vijnë prej tokave të komunës e vendit tonë”, ka thënë Hyseni.

-Advertisement-

“Është shumë me rëndësi që të vazhdojmë t’i ndihmojmë fermerët dhe prodhuesit. Kjo ditë na bashkon të gjithëve, pa dallime mes nesh. Uroj që këto produkte që i kemi këtu, t’i blejmë edhe në markete”, ka nënvizuar kryetari i Gjilanit.

Drejtori i Bujqësisë, Bajram Isufi, ka falënderuar fermerët, prodhuesit dhe përpunuesit të cilët kanë ndihmuar edhe kësaj radhe me prodhimet e tyre, duke shtuar se si Drejtori kanë subvencionuar fermerët me të gjitha kapacitetet komunale.

 

Subscribe në YouTube: GAZETA INFOKUSI
Etiketa:
Black Friday ne Artmotion
-Advertisement-

Të tjera

Fokusi

lajme