Lajme

Krasniqi: PDK-ja është e qartë – mjaft me arrogancën e pakicës që sillet si shumicë

Autori: Gazeta inFokus 16:58 | 21 Prill 2025

Kryetari i Partisë Demokratike të Kosovës (PDK), Memli Krasniqi, ka reaguar ashpër pas ndërprerjes së seancës konstituive të Kuvendit të Kosovës. Përmes një postimi në Facebook, ai ka kritikuar koalicionin VV-Guxo-Alternativa, duke thënë se ndonëse e kanë humbur shumicën parlamentare, po veprojnë sikur e kanë një të drejtë absolute për të sunduar, shkruan Gazeta Infokus.

“Në vend që të kërkojnë një zgjidhje, ata po kërkojnë nënshtrim. Ky është një qëndrim që nuk i shkon një shteti demokratik. Rikandidimi për herë të tretë i të njëjtës figurë përçarëse, e cila ka dështuar dy herë, nuk është këmbëngulje – është provokim i qëllimshëm që synon bllokadën,” ka deklaruar Krasniqi.

Ai e ka cilësuar si të papranueshme ndërprerjen e seancës nga kryesuesi Avni Dehari, duke e akuzuar këtë të fundit për shkelje të Rregullores së Kuvendit. “Ndërprerja arbitrare e seancës, pa e lejuar as votimin, përbën një shkelje të rëndë të normave parlamentare dhe një precedent të rrezikshëm për funksionimin demokratik të institucioneve,” shtoi ai.

-Advertisement-

Kreu i PDK-së ka bërë thirrje që Lëvizja Vetëvendosje të reflektojë, duke e ndryshuar kandidaten, qasjen dhe logjikën politike në mënyrë që të mundësohet formimi i institucioneve dhe të dilet nga kriza aktuale politike.

Më poshtë postimi i plotë:

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy