Sport

Gjilani konfirmon largimin e dy futbollistëve (FOTO)

Autori: Gazeta inFokus 13:08 | 13 December 2018

Skuadra e Gjilanit ka zyrtarizuar largimin e dy futbollistëve të huaj, brazilianit Mauricio Marinho dhe anëtarit të Trinidad de Tobagos, Trevin Caesar.

Dy futbollistët erdhën në afatin kalimtar të verës, ndërkohë që patën një formë të luhatshme dhe kishin probleme e disiplinën për të cilët Gazetasheshi.com kishte raportuar në vazhdimësi.

Përmes një njoftimi për media SC Gjilani ka njoftuar për shkëputjen e marrëveshjes në mënyrë të dyanshme me futbollistët, derisa ka njoftuar se qysh tashmë janë futur në bisedime për ardhjet e reja në afatin kalimtar të janar.

-Advertisement-

“Klubi futollistik “S.C. Gjilani” në mirëkuptim të dy anshëm,ka ndërperë bashkëpunimin me dy futbollistët e ardhur në afatin kalimtarë të verës.

-Bëhet fjalë për lojtarët Trevin Shonari Caesar i ardhur nga Trinidad dhe Tobago dhe Brazilianin Jose Mauricio Marinho,të cilët kishin mbrojtur ngjyrat e klubit në pjesën vjeshtore të edicionit të sivjetëm në futbollin tonë.

-Gjilani i falëmnderon futbollistët për angazhimin sa ishin pjesë e klubit tonë,dhe ju uron sukses në vazhdimin e karrieres së tyre futbollistike.

-Klubi gjithashtu është në bisedime me disa futbollistë ku pritet të përforcohet në afatin kalimtar të janarit”, thuhet në njoftim.