Sport

Gjendet në Shqipëri një medalje e artë olimpike e vjedhur në Itali

Autori: Gazeta inFokus 16:15 | 08 May 2017

Një medalje e artë olimpike ka qarkulluar nëpër Shqipëri gjatë muajve të fundit dhe fatkeqësisht, nuk ka qenë për merita sportive.

Policia italiane ka bërë të ditur se ka gjetur një medalje të atletit paralimpik italian, Oscar De Pellegrin, që ky i fundit kishte fituar në “Londër 2012” më garën e gjuajtjes me hark.

De Pellegrin kishte qenë viktimë e një grabitjeje në shtëpinë e tij, ku disa hajdutë kishin marrë ndër të tjera edhe medaljen e tij të artë, një kujtim i rrallë i karrierës së futbollistit paralimpik.

-Advertisement-

Por, gjatë inspektimeve, janë gjetur një sërë gjurmësh gishtërinjsh dhe pas hetimeve disamujore, polica e provincës së Belunos, ku banon atleti, ka konfirmuar se në bashkëpunim me kolegët shqiptarë, ka arritur të lokalizojë medaljen e vjedhur në Shqipëri, njofton Panorama Sport.

Nuk bëhen ende të ditura informacione më të hollësishme, mbi identitetin e hajdutëve apo mënyrën se si ka mbërritur kjo medalje në Shqipëri, por për momentin po plotësohen procedurat burokratike për kthimin e saj te pronari i ligjshëm.

Subscribe në YouTube: GAZETA INFOKUSI