Gjeloshaj: Kosova të bëhet pjesë e “Ballkanit të Hapur”, me këtë arrihet njohja reciproke me Serbinë
Autori: Gazeta inFokus 16:38 | 26 June 2022
Kryetari i Alteranativës Shqiptare në Malin e Zi, Nik Gjeloshaj ka shpërndarë deklaratën e ambasadores amerikane në Malin e Zi, Judy Rising Reinke, e cila tha se e mbështesin Ballkanin e Hapur pa fusnota dhe në përputhje me parimet e BE-së.
Gjeloshaj tha përmes një postimi në Facebook se edhe Kosova duhet të jetë pjesë e “Ballkanit të Hapur”. Sipas politikanit shqiptar në Malin e Zi, “Ballkani i Hapur” e konkretizon çështjen e njohjes reciproke mes Kosovës dhe Serbisë, raporton Gazeta Express.
“Harkun e Ballkanit të Hapur do ta bëjnë Mali i Zi, Shqipëria dhe Maqedonia e Veriut – tre shtete anëtare të NATO-s, me mbështetje të madhe nga SHBA-ja. Kosova, si shteti më i ri, të jetë edhe pjesë e Ballkanit të Hapur. Domethënë bashkë me Serbinë dhe Bosnjë-Hercegovinën, gjithsej gjashtë shtete”, shkroi ai.
Duke shkruar se “Ballkani i Hapur” është “projekt i përbashkët i partnerëve tanë më të rëndësishëm ndërkombëtarë”, ai shtoi: “Ballkani i Hapur i jep fund njohjes reciproke të Serbisë dhe Kosovës dhe e mbyllë çështjen më të rëndësishme të hapur mes shteteve të Ballkanit Perëndimor”.
Gjeloshaj thotë se Mali i Zi nuk duhet të jetë inferior në këtë proces, por si anëtar i NATO-s, edhe pse vend i vogël, duhet të jetë ndër lojtarët kryesorë të projektit.
Sipas tij, s’duhet pasur frikë as nga dominimi i Serbisë.
“Nuk e kuptoj inferioritetin e strukturave të caktuara politike në Mal të Zi. Veçanërisht më duket frika e dominimit të Vuçiqit. Kjo është nën nivel. Të gjithëve duhet t’i ofrohet një shans për të ndryshuar! Jemi anëtarë të NATO-s. Nuk duhet të kemi frikë nga askush. Ne duhet të hapemi për bashkëpunim me të gjithë, dhe veçanërisht me fqinjët tanë”, shkroi ai.
Gjeloshaj shkroi se shtetet e Ballkanit Perëndimor s’mund të futen në BE nëse nuk hapen si fqinjë ndaj njëri-tjetrit.
“Le të shikojmë nga e ardhmja, jo nga e kaluara. Duhet të marrim përgjegjësi, jo ta bëjmë gjithçka dhe gjithçka temë kombëtare. Duam zhvillim ekonomik dhe bashkëpunim. Kush dëshiron të qëndrojë në të nëntëdhjetat – i priftë e mbara. Unë jam i sigurt nuk e dua atë dhe nuk do ta dua!”, shkroi Nik Gjeloshaj.
Në takimin e fundit të nismëtarëve të “Ballkanit të Hapur”, kryeministri i Malit të Zi mori pjesë, por tha se shkoi thjesht për të vëzhguar.
Kundër “Ballkanit të Hapur” është presidenti i Malit të Zi, Milo Gjukanoviq. Këtë qëndrim ai e shprehu edhe nga Prishtina, gjatë vizitës së fundit në Kosovë.
Kosova ndërkohë vazhdon të jetë e pozicionuar kundër kësaj nisme, duke e cilësuar “Ballkanin e Hapur” si projekt të Serbisë që është kundër interesave të Kosovës.
Të tjera
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...
-
Hoxhaj: Qytetarët që menduan se me Kurtin vjen ndryshimi, ta korrigjojnë atë – ta shohin PDK-në si adresë politike
Nënkryetari i kuvendit nga radhët e PDK-së, Enver Hoxhaj, ka thënë se nëse qy...
-
Gjeneral Jashari: FSK mbështet Ukrainën në përballje me agresionin e Rusisë
Komandanti i Forcës së Sigurisë së Kosovës, gjenerallejtënant Bashkim Jashari...
-
Kurti pritet nga Baerbock, kërkon mbështetjen gjermane deri në anëtarësimin e Kosovës në KiE
Kryeministri i Kosovës, Albin Kurti, është pritur në takim nga Ministrja e Ja...
-
Dalja e shqiptarëve në zgjedhje në Maqedoninë e Veriut shënon rënie
Dalja e shqiptarëve në zgjedhjet presidenciale të 24 prillit në Maqedoninë e ...
-
Tejkaloi shpejtësinë e lëvizjes, gjobitet me 300 euro
Policia e Kosovës njofton se njësia për kontroll të autostradave, në zonën ku...
-
Gjermania e bindur se Brukseli do të ecën drejt heqjes së sanksioneve pas votimeve në veri
Me organizimin e procesit të votimit për shkarkim ose jo të kryetarëve aktual...
-
Policia gjen dy bun*erë dhe ąrmë zjąrri në rajonin e Prishtinës dhe Gjilanit
Policia e Kosovës njofton se gjatë një operacioni të koduar ‘Baroni’ në rajon...
-
Ish-presidentja Jahjaga tregon si ia siguroi Kosovës pajisjen mjekësore 1.5 milionëshe nga Fondacioni Alwaleed
Ish-presidentja e Kosovës, Atifeta Jahjaga, ia ka siguruar QKUK-së një pa...