Lajme

Gërvalla viziton Misionin e Përhershëm të Republikës së Shqipërisë në NATO, në fokus agjenda integruese

Autori: Gazeta inFokus 09:41 | 13 March 2024

Në kuadër të vizitës në NATO, Zëvendëskryeministres dhe Ministres së Punëve të Jashtme dhe Diasporës të Republikës së Kosovës, Donika Gërvalla dhe delegacionit të Republikës së Kosovës i është rezervuar një pritje e veçantë në Misionin e Përhershëm të Republikës së Shqipërisë në NATO, nga Ambasadori Ilir Gjoni dhe Përfaqësuesi Ushtarak në Komitetin Ushtarak, Gjeneral Ilir Pujo.

Bëhet e ditur se fillimisht Gërvalla është pritur në takim të përbashkët nga ambasadori Gjoni dhe Gjenerali Pujo, për të vazhduar me tutje në një takim të përbashkët me strukturat civile dhe ushtarake të Shqipërisë në NATO.

Gjatë këtij takimi, ministrja vlerësoi lartë rolin e Shqipërisë si anëtare e NATO-s në ruajtjen e paqes dhe stabilitetit në Ballkanin Perëndimor si dhe shprehu falënderimet për mbështetjen ndaj Kosovës në rrugën e saj të integrimit euroatlantik.

-Advertisement-

Ajo përgëzoi Shqipërinë për të arriturat e fundit në fushën e sigurisë, duke përfshirë inaugurimin e Bazës Ajrore Taktike të NATO-s në Kuçovë si një pikë e rëndësishme gjeostrategjikë jo vetëm për Shqipërinë por për gjithë rajonin dhe me gjerë.

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme