Lajme

Gërvalla thërret gazetarët në aeroportin e Prishtinës, ja kë e pret

Autori: Gazeta inFokus 08:52 | 22 November 2022

Ministria e Punëve të Jashtme dhe Diasporës ka njoftuar se sot ministrja, Donika Gërvalla do të presë në aeroportin e Prishtinës, homologun e saj italian, Antonio Tajani, shkruan Gazeta Infokus.

Gërvalla ka thirrur konferencë për media në aeroport ku do të bëjë pritjen e Tajanit në orën 15:00 dhe po ashtu një konferencë në orën 16:30 pas takimeve bilaterale në MPJD.

Madje në njoftimin e parë është cekur që në aeroport do të merren vetëm pamje.

-Advertisement-

“Zëvendëskryeministrja dhe ministrja e Punëve të Jashtme dhe Diasporës, znj. Donika Gërvalla, mirëpret sot në Kosovë, zëvendëskryeministrin dhe ministrin e Punëve të Jashtme dhe Bashkëpunimit Ndërkombëtar të Italisë, z. Antonio Tajani. Të dy ministrat do të zhvillojnë takime bilaterale në Ministrinë e Punëve të Jashtme dhe Diasporës, ku më pas do mbajnë edhe konferencë për media”, thuhet në njoftim./Gazeta Infokus/

Subscribe në YouTube: GAZETA INFOKUSI