Lajme

Gërvalla: Jemi mirënjohës përjetë për mbështetjen e aleatëve tanë

Autori: Gazeta inFokus 14:42 | 02 June 2023

Ministria e Punëve të Jashtme dhe Diasporës, Donika Gërvalla, ka folur në seancën e veçantë në Kuvend, e cila është thirrur për të diskutuar për situatën në veri.

Gërvalla tha se është e zhgënjyer nga kjo seancë dhe se ka pritur diçka tjetër, duke shtuar që beson se edhe qytetarët kanë të njëjtin mendim në lidhje me këtë gjë.

“Për mua është mjaftë zhgënjyese kjo seancë, sepse kam pritur diçka krejt tjetër, mendoj që edhe qytetarët e Republikës sot kanë pritur një seancë krejt tjetër, mendoj që kanë pritur një seancë në të cilën deputetët dhe qeveria së bashku do t’i shprehin një mbështetje të plotë policisë, do t’i tregojnë që i përkrahin dhe i mbështesin ushtarët e KFOR-it, mbështesin aksionet të cilat mëtojnë të vënë në vend sovranitetin në të gjithë vendin tonë, prandaj e shoh kaq zhgënjyese këtë seancë”, u shpreh ajo.

-Advertisement-

Tutje, Gërvalla tha se jemi mirënjohës përjetë për mbështetjen e aleatëve tanë, përcjell Klankosova.tv.

“Jemi mirënjohës përjetë për mbështetjen e partnerëve tanë, të aleatëve tanë, të KFOR-it, të të gjitha organizatave dhe mekanizmave ndërkombëtare të cilat na kanë përcjellë, na kanë shoqëruar, mbështetur, ndihmuar në rrugën tonë për Republikën e Kosovës që para luftës e deri sot”, u shpreh tutje ajo.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme