Fushat sintetike të rrezikshme për lojtarët, mund të jenë edhe kancerogjene
![](https://gazetainfokus.com/wp-content/uploads/2024/02/ramiz-sadiku-780x439-1.jpg)
Autori: Gazeta inFokus
12:42 | 24 February 2024
Për shkak të pamundësive financiare për të ndërtuar fusha të futbollit me bari natyral dhe kostos së lartë për mirëmbajtjen e tyre, pjesa dërmuese e fushave të futbollit në Kosovë janë të mbuluara me bari sintetik.
Kjo praktikë po konsiderohet të jetë e gabuar pasi fushat e tilla po ndikojnë jashtëzakonisht shumë në rritjen e numrit të lëndimeve të lojtarëve, por dyshohet se këto fusha mund të jenë edhe kancerogjene.
Fizioterapeuti Lorik Maxhuni ka thënë për KosovaPress, se amortizimi jo i duhur i këtyre terreneve sportive po shkakton lëndime të rënda tek shumë lojtarë.
“Është e vërtetë që po kanë shumë probleme, sidomos ato ekipe që i bëjnë edhe stërvitjet edhe ndeshjet në bari artificial për arsye sepse kur po dalin pastaj në bari natyral është problem i madh për shkak të mund ta cekim pjesën kryesore të problemit i cili është mos amortizimi i mirë që e ka fusha artificiale. Kjo nuk do të thotë që është e ndaluar të stërvitet në fusha me bari artificial, por duhet të jetë mirëmbajtja dhe ajo goma e saj duhet të jetë në nivel të lartë për të pasur edhe amortizim fusha. Pastaj, tek problemet na sjellë për arsye se gjitha pesha trupore dhe gjithë ngarkesat kalojnë nëpër muskulaturë, nëpër tendina, në gjunjë, pastaj në nyje të tjera. Kjo bënë që të mbingarkohet muskulatura dhe pastaj kur mbingarkohet muskulatura është mundësia më e madhe për të pasur lëndime”, tha Maxhuni.
Si pasojë e këtyre kushteve, Maxhuni thotë se lojtarët e Superligës, po pësojnë këputje ligamentesh e dëmtime të miniskusit.
“Çdo vit nuk kalon në Superligë pa pasur katër apo pesë lojtarë që kanë këputje të ligamenteve të gjurit, ligamentin anterior crucial ligament, gjithashtu në shumicën e rasteve shkon edhe me miniskus dëmtimi dhe bënë që të jetë rikuperimi më i gjatë”, ka theksuar Maxhuni.
Përtej lëndimeve, problematikë e madhe e këtyre fushave po konsiderohet të jetë goma e zezë që e kanë në përbërje.
Fizioterapeuti Ervin Meqikukiqi ka thënë për KosovaPress, se kjo gomë mund të jetë kancerogjene, edhe pse deri më tani nuk ka konfirmime rreth kësaj çështje.
“Fushat e reja, apo baret e reja sintetike zakonisht po e kanë gomën e bardhë ose janë disa që në vend të gomës kanë dhe një pjesë si zallë shumë të holluar në vend të gomës pasi që kjo goma e zezë kam dëgjuar dhe kam lexuar që mund të edhe kancerogjene, por asgjë nuk është e verifikuar deri sot, por disavantazhi çfarë është i gomës së zezë është se në momentin që bie shi krijon shumë rrëshqitje tek lojtarët, pra topi është shumë më i shpejtë, lëndimet mund të vijnë shumë më shpejtë dhe kualiteti i ndeshjes është për 30 deri në 40 për qind më i dobët se sa të merret një bari sintetik pa gomë”, bëri të ditur Meqikukiqi.
Ai ka shtuar se shtrimi i një fushe me bari sintetik duhet të kalojë nëpër katër faza, gjë e cila vështirë se respektohet në Kosovë.
“Bari sintetik i kualitetit që e marrin klubet në Kosovë është i kualitetit jo pro, apo i profesionalizuar siç e ka akreditimin FIFA, shkaku që janë katër faza që duhet ndjekur për ta shtruar një bari sintetik. Është faza e parë që bëhet testimi laboratorik, faza e dytë është instalimi i fushës, nëse testi laboratorik del mirë, faze e tretë është testimi i fushës që bëhet me disa ndeshje dhe fazë e fundit, faza e katërt është kualifikimin që e merr nga FIFA, ajo mund të jetë vetëm FIFA Cualification, apo FIFA Cualificiation Pro”, ka theksuar Meqikukiqi.
I shqetësuar me ndikimin negativ që kanë këto fusha është shprehur edhe ish-presidenti i klubit të futbollit Prishtina, Remzi Ejupi. Ai ka thënë se këto fusha janë tejet të rrezikshme, sidomos për lojtarët e grupmoshave të reja.
“Është konstatuar se fushat sintetike, sidomos për gjeneratat e reja, sidomos për fëmijët janë shumë të rrezikshme për arsye se aty ka edhe një jo analizë të mirëfilltë sepse mund të jenë edhe kancerogjene, mund të jenë të dëmshme jashtëzakonisht për rini, për fëmijë. Përveç asaj, dëmtojnë edhe pjesët e shputës, këmbës, gjunjëve, për arsye se nuk e kanë atë elastiken e duhur. Varet edhe çfarë merret fusha sintetike sepse ka çmime të ndryshme, por nëse shkon si federatë dhe bën një marrëveshje për të blerë 100 deri 200 fusha, natyrisht se do të marrësh një kualitet të ulët”, tha Ejupi.
Duke parë këto të meta që kanë fushat me bari sintetik, njohësit e mjekësisë sportive kanë rekomanduar që ato të zëvendësohen sa më shpejtë me fusha me bari natyral, apo edhe me fusha sintetike të kualitetit më të lartë.
![](https://gazetainfokus.com/wp-content/uploads/2023/07/foto-oksigjenni.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...