Forumi i organizuar nga Osmani kritikohet për mospjesëmarrjen e grave që kanë shkruar historinë e Kosovës
Autori: Gazeta inFokus 16:15 | 22 October 2022
Nga sot në Prishtinë ka nisur punimet Forumi Ndërkombëtar për Gratë, Paqen dhe Sigurinë që po mbahet me iniciativë të presidentes Vjosa Osmani.
Ky edicion i këtij forumi pritet të grumbullojë mbi 400 pjesëmarrës që janë liderë botërorë, ekspertë, akademikë, përfaqësues të shoqërisë civile, të rinj dhe përfaqësues nga grupe të tjera të interesit.
Por, ky organizim që në fokus ka trajtimin e çështjeve që ndërlidhen më gratë, paqen dhe sigurinë, është kritikuar për mospërfshirje të grave që kanë kontribuar para dhe pas luftës në Kosovë.
I pari që reagoi ishte Drejtori Ekzekutiv i ICK-së, Uranik Begu, i biri i aktivistes për të drejtat e grave, Flora Brovinës, i cili tha se një gjë e tillë nuk i bën nder Kosovës si nikoqire e as nuk mund ta rishkruajë historinë.
“Me u organizu në Kosovë një konferencë për gra & rolin e tyre në paqe, dhe mos me ftu as si mysafire gratë dhe vajzat me kontributin më të çmuar para, gjatë & pas luftës, si shembull të dëshmuar në botë nuk i bon nder Kosovës si nikoqire, por edhe historinë nuk e rishkruan”, tha ai në Twitter.
Një reagim të ashpër për mospjesëmarrjen e grave që kanë kontribuar për vendin në këtë forum e pati edhe anëtarja e LDK-së Melihate Tërmkolli, e cila e quajti “fake presidente” Vjosa Osmanin.
“Historia, pra edhe roli dhe kontributi grandioz i grave shqiptare për Liri, Pavarësi, Paqe e Demokraci, nuk mund të fshehet nga askush, aq më pak nga një ‘Fake Presidente’. Nderim të gjitha grave që punuan e sakrifikuan dhe ende punojnë për këtë vend!”, u shpreh Tërmkolli.
Edhe Sekretari i PDK-së, Betim Gjoshi, pati kritika për presidenten e vendit duke thënë se ftoi gratë e botës që të flasin për luftën dhe paqen dhe injoroi ato kosovare që kanë shkruar historinë e vendit tonë.
“Hipokrizia e ka pamjen e Vjosa Osmanit. Ajo i thërret gratë e botës që të vijnë të flasin për luftën, paqen e lirinë dhe i injoron gratë e Kosovës që guxuan të marrin armën për luftën, paqen dhe lirinë e Kosovës. Sa shumë ka urrejtje kjo grua për çdo shqiptar/e që ka luftuar për vendin e vet”, tha Gjoshi në një postim në Facebook.
E ndonëse u kritikua se harroi gratë kosovare që dhanë kontribut për Republikën e Kosovës, Osmani në fjalën hapëse në këtë forum përmendi kontributin e grave para, gjatë dhe pasluftës në Kosovë.
“Historia e Kosovës është historia e secilës grua që e ka hequr një gur nga rruga drejt barazisë”.
Më pastaj, e para e vendit ndau edhe medalje presidenciale për gratë ukrainase.
“Sot e shprehim mirënjohjen e Ukrainës dhe në veçanti shprehim solidaritet me gratë e Ukrainës që s’po luftojnë vetëm për vendin e tyre, por në të njëjtën kohë janë cak i torturave çnjerëzore, përfshirë edhe përdhunimin”, deklaroi Osmani para të pranishmëve në Forum.
Lidhur me kritikat drejtuar presidentes Vjosa Osmani për organizimin e këtij forumi, Klankosova.tv ka provuar të flasë me dikë nga Zyra e Presidentes, por deri tash kjo gjë ka qenë e pamundur.
Ndryshe, edicioni i parë i Forumit për Gratë, Paqen dhe Sigurinë i është kushtuar trashëgimisë së ish-Sekretares amerikane të Shtetit, Madeleine Albright.
Forumi në edicionin e parë të tij do të mbledhë 126 folës nga 33 shtete, 6 kontinente dhe mbi 400 pjesëmarrës.
Të tjera
-
Ambasada e ShBA-së mohon t’i ketë anuluar trajnimet për Policinë e Kosovës
Mbrëmë u raportua se ShBA-ja i ka anuluar trajnimet për Policinë e Kosovës. K...
-
Vendoset kamerë te vạrri i Faton Hajrizit, vëllai i tij tregon arsyen
Artan Hajrizi, vëllai i Faton Hajrizit ka treguar se janë vendosur disa kamer...
-
Një punonjës i “Trepçës” kishte pranuar pagë mbi 7 mijë euro brenda muajit, rasti shkon në Krimet e Rënda Ekonomike
Një punonjës i ndërmarrjes publike “Trepça” në muajin shtator kishte pranuar ...
-
Dëshmitari i 91-të i ZPS-së përfundon dëshminë në rastin e ish krerëve të UÇK-së
Në Dhomat e Specializuara të Kosovës (DHSK) në Hagë ka përfunduar dëshminë dë...
-
Policia vendos pengesa në njërën nga urat në Bërnjak
Policia vendos pengesa të pjesërishme te Ura e Bërnjakut, Elshani jep detaje ...
-
Reagon Policia pas raportimeve se SHBA i “sanksionoi”: Vazhdojmë të kemi bashkëpunim të jashtëzakonshëm
Policia e Kosovës ka reaguar pas raportimit të djeshëm në media se Shtetet e ...
-
“The Telegraph”: Sali Berisha shpenzoi rreth 500 mijë euro për ta hequr “non gratan” në Britani
Gazeta e njohur britanike, “The Telegraph”, raportoi të mërkurën se ish-kryem...
-
Shala: Nuk ka favor më të madh për mafian energjetike, sesa kjo çasje politike e qeverisë
Deputeti i PDK-së Ferat Shala ka reaguar me një status në rrjetin social Face...
-
Haxhiu pret në takim homologun daneze, flasin për zbatimin e marrëveshjes për burgjet
Ministrja e Drejtësisë, Albulena Haxhiu, ka pritur sot në takim homologun e s...
-
Osmani e përkushtuar për forcimin e marrëdhënieve me Gambinë
Presidentja Vjosa Osmani është takuar me homologun e saj të Gambisë, Adama Ba...
-
Korenica i reagon Konjufcës: Pa u kthyer vajza me shami në shkollë nuk votojë në Kuvend, s’bëra fushatë
Deputeti i Lëvizjes Vetëvendosje, Visar Korenica ka njoftuar sot se nuk do të...
-
Militanti i VV-së i tallet keq me ambasadorin Hovenier: Gjyshi im thojke “shpija jote, pọrdha jote”
Egzon Azemi, militant i Lëvizjes Vetëvendosje, njëherit edhe këshilltar p...