Sport

Florent Hadërgjonaj deklarohet pas humbjes nga Suedia, ka disa fjalë për tifozët

Autori: Gazeta inFokus 20:48 | 09 October 2021

Florent Hadërgjonaj ka folur pas ndeshjes që Kosova e humbi nga Suedia me rezultat 3-0, në duelin e vlefshëm për kualifikimet e Kupës së Botës ‘Katar 2022’, shkruan Gazeta inFokus.

Hadërgjonaj ka thënë se kanë mundur të bënin më shumë, duke shtuar se e kanë ditur se Suedia ka një skuadër shumë të mirë.

Me pas mbrojtësi kosovar i kërkoi falje tifozëve që nuk arritën ti gëzonin.

-Advertisement-

“Pas ndeshjes është më lehtë të analizohet takimi. Besoj që të gjithë e dimë si ekip që kemi mundur të bëjmë më shumë. I kemi pasur disa raste në pjesën e dytë, por nuk shënuam golin. Me këtë kualitet që ka Suedia e kemi ditur që kanë një skuadër shumë të mirë. Ka qenë diçka speciale përkrahja nga tifozët, të cilët na kanë përkrahur. U kërkojmë falje që nuk kemi arritur t’i gëzojmë me fitore”, deklaroi Hadërgjonaj.

Pas kësaj humbje, Kosova renditet e katërta në Grupin B me 4 pikë, kurse Suedia mbetet e dyta me 12 sosh./Gazeta inFokus/

Subscribe në YouTube: GAZETA INFOKUSI