Lajme

Flet Nasuf Bejta- kundërshtari Vjosa Osmanit: A kishte pritje se do të bëhej President?

Autori: Doresa Geci 19:40 | 05 April 2021

Nasuf Bejta ishte kundër kandidati i Vjosa Osmanit për President të Republikës së Kosovës.

Bejta në një intervistë për Gazetën Infokus, ka treguar se si erdhi deri tek ideja që të bëhej kandidat për President të Kosovës.

Ai mes tjerash thotë se qëllimi i tij ishte që të kontribuojë në stabilitetin e vendit dhe krijimin e institucioneve të Kosovës, shkruan Gazeta Infokus.

“Me kandidimin tim i kam shërbyer vendit, popullit tim dhe mendoj që misioni im politik është jetësuar. Në nivel vendi më u mundësua ti zhbllokojë Institucionet e Kosovës”, ka deklaruar Bejta për Infokus.

Kandidati për President gjatë kësaj interviste ka treguar se a kishte pritje se mund të zgjidhej kryetar i shtetit.

“Sinqerisht epilogun e kam ditë, jo vetëm unë por edhe kushdoqoftë që ka qenë kundër Vjoses do të kishte ditur këtë epilog. Mendoj që vetëm të jesh naivë në politikë nuk e kupton që Vjosa Osmani nuk do të zgjedhet Presidente. Vjosa Osmani vjen me një bagazh të lartë politikë, që jo vetëm vendi por edhe rajoni ia kanë lakmi”, është shprehur ai.

E nëse do të ishte deputetë dhe të i mundësohej votimi Nasuf Bejta thotë se do ta votonte Vjosa Osmanin.

“Nëse do të kisha drejtë vote do ta votoja Vjosa Osmanin, pasi që në të kundërtën do të bija në kundërshtim me vullnetin e Popullit të Kosovës. Kështu në Kosovë në mënyrë që të mos bëhen zhurmë politike duhet të ndryshohet forma e votimit të Presidentit dhe të i lejohet popullit të vendos”, shtojë ai

Kujtojmë që Nasuf Bejta ishte pjesë e Lidhjes Demokratike, por që nga vitit 2007 ai nuk është më në këtë parti.

E arsyeja e largimit nga LDK është sepse sipas tij kjo parti nuk i dha hapësirë për të zhvilluar karrierën e tij politike.

Në zgjedhjet e 14 shkurtit, Bejta garoi në listën e Lëvizjes Vetëvendosje me numër 64 dhe ishte përfaqësues i Iniciativës së Vjosa Osmanit në listë./Gazeta Infokus/

Të tjera