Sport

FFK vazhdon të shënoj rritje në prezencën e saj në shtëpinë Evropiane të futbollit

Autori: Gazeta inFokus 16:27 | 19 March 2019

Pas emërimit të mëhershëm të presidentit të ndjerë të Federatës së futbollit të Kosovës, Fadil Vokrrit në komisionin për futboll të UEFA-së dhe të sekretarit të përgjithshëm, Eroll Salihu në komisionin ligjor, UEFA-ja ka mundësuar edhe një pozitë të rëndësishme për futbollin kosovar brenda komisioneve të saj. Sipas burimeve te kosova.info, Presidenti aktual i FFK-së, Agim Ademi pritet të emërohet në komisionin për zhvillimin e futbollit në kontinentin e vjetër, më saktë në “Komitetit Hat-trick”.

Ky komitet është i ngarkuar me projektet e zhvillimit të futbollit në gjithë kontinentin e vjetër dhe influence e pjesëmarrjes në te është shumë e rëndësishme për futbollin e Kosovës.

Në formatin e fundit, nënkryetar I këtij komisioni ka qenë presidenti i Federatës shqiptare të futbollit, Armand Duka, i cili në zgjedhjet e fundit ka fituar besimin të jetë anëtar i komitetit ekzekutiv të UEFA-së.

-Advertisement-

Burime brenda FFK-së kanë konfirmuar për kosova.info , duke mos dashur që kjo të publikohet. “Presidenti Ademi gëzon një përkrahje të plotë nga presidenti I UEFA-së, Aleksandar Ceferin i cili është ashtu është i vullnetshëm të përkrah zhvillimin e Kosovës, ndër të tjera duke kuptuar edhe situatën në të cilën ka kaluar futbolli Kosovar në izolim të plotë”.

Sipas procedurave kjo pritet të marr formën zyrtare në fund të muajit maj ose në fillim të muajit qershor. Komiteti Hat-trick ka përkrahje nga paneli i ekspertëve administrativ.

Sipas UEFA-së, Komiteti Hat-trick propozon funksionimin e programit Hat-trick, i cili kryesisht merret me projektet e zhvillimit të infrastrukturës për anëtarët e UEFA-së dhe programet e edukimit të administratorëve, monitoron implementimin e programit Hat-trickme qëllim të zhvillimit dhe përparimit të përgjithshëm të infrastrukturës, kryen inspeksione dhe vizita verifikimi, participon në kurset e edukimit dhe krijimit të impaktit për zhvillimin afatgjatë që i është dhënë anëtarëve të UEFA-së, si dhe monitoron implementimin e duhur të përkrahjes së programeve të UEFA-së të definuara nga Komiteti ekzekutiv.

Subscribe në YouTube: GAZETA INFOKUSI