FFK shpërndau Licencat C të UEFA-s për 24 trajnerë
![](https://gazetainfokus.com/wp-content/uploads/2018/03/ffk-1-768x460.jpg)
Autori: Gazeta inFokus
16:33 | 27 March 2018
Federata e Futbollit e Kosovës sot për herë të parë pas pranimit në UEFA e FIFA ka bërë shpërndarjen e Licencave C të UEFA për 24 trajnerët që kanë ndjekur kursin e organizuar nga FFK në bashkëpunim me Federatën e Futbollit të Gjermanisë, shkruan infokusi.
Ky kurs kishte nisur më 20 nëntor të vitit të kaluar dhe trajnerët pjesëmarrës iu nënshtruan katër testimeve për t’u pajisur në fund me certifikatën dhe licencën C të UEFA-s. Të pranishëm në ndarjen e këtyre licencave krahas nënkryetarit të FFK-së, Agim Ademi, sekretarit të përgjithshëm, Eroll Salihu, drejtorit teknik, Michael Nees dhe Sanije Krasniqit, menaxhere e Grassroots, ishin edhe zëvendëspresidenti i DFB-së, Ronny Zimmermann dhe përfaqësuesja e ambasadës gjermane, Clara Duske.
Fillimisht nënkryetari i FFK-së, Agim Ademi i ka përshëndetur mysafirët nga Gjermania si dhe përfaqësuesen e ambasadës gjermane, për mbështetjen e vazhdueshme që i ka dhënë shtetit të Kosovës, por edhe FFK-së, duke shprehur shpresën se ky bashkëpunim do të vazhdojë edhe në të ardhmen. Nënkryetari Ademi i ka përgëzuar trajnerët për marrjen e licencës C, të cilat i ka vlerësuar si shumë të rëndësishme për zhvillimin e tyre të mëtejmë si trajnerë.
Ndërkohë, nënkryetari i DFB-së, Ronny Zimmermann është shprehur i nderuar që janë ekipi i parë i Gjermanisë që do të luajnë sonte në Kosovë, derisa sa i përket shkollimit të trajnerëve ka thënë se është në nivel jashtëzakonisht të lartë dhe është pjesë bazike e emancipimit të futbollit. Ai ka thënë se pa pasur trajner të mirë nuk ka as futboll të mirë, derisa ka thënë se i vjen mirë që pjesë e këtij shkollimi kanë qenë edhe femrat. Zimmermann ka premtuar mbështetje për FFK-në edhe në të ardhmen.
Në anën tjetër Clara Duske u shpreh e lumtur që ambasada gjermane ka qenë pjesë e këtij organizimi dhe që Michael Nees e ka udhëhequr këtë shkollim si drejtor teknik i FFK-së. Ajo i ka përgëzuar trajnerët për këtë licencim, duke theksuar se kjo është një mundësi e mirë për zhvillimin e futbollit në të ardhmen dhe për të përçuar pozitivitet tek të rinjtë.
Ndërkohë, sekretari i përgjithshëm Eroll Salihu, duke i përshëndetur mysafirët dhe duke i falënderuar për mbështetjen e madhe që i kanë dhënë FFK-së, ka thënë se për këta trajnerë kjo është një datë e shënuar, pasi janë trajnerët e parë në historinë e futbollit kosovar që licencohen me certifikatë të UEFA-s nga FFK. Drejtori teknik, Michael Nees, ka thënë se ky kurs ka shkuar shumë mirë dhe sipas të gjitha standardeve të UEFA-s, derisa licencat do të jenë trivjeçare. Ai ka uruar trajnerët për suksesin e treguar, me shpresën se ata do të vazhdojnë të zhvillohen tutje.
Në emër të trajnerëve FFK-në, DFB-në dhe Ambasadën gjermane i ka falënderuar Arben Zeqiri, i cili ka thënë se ndihen të priveligjuar që janë trajnerët e parë që kanë marrë këto licenca, pas një rrugëtimi të gjatë të shumë gjeneratave dhe pas shumë peripecive nëpër të cilat ka kaluar futbolli i Kosovës deri në pranimin në UEFA e FIFA. Në fund, të gjithë trajnerëve u janë ndarë certifikatat dhe ID e Licencës C të UEFA-s, derisa Granit Dervisholli, i cili u tregua më i suksesshmi në këtë kurs është shpërblyer nga DFB me një fanellë të Kombëtares së Gjermanisë, si dhe nga FFK me një fanellë të Kombëtares së Kosovës dhe me një plaketë. /infokusi.com
![](https://gazetainfokus.com/wp-content/uploads/2024/02/Prince-ballina-e17083559109131.jpg)
Të tjera
-
“Më mirë vonë se kurrë”, Hoxha për deklaratën e Konjufcës: Është filozof
Avokati dhe ish-zëvendësministri i Brendshëm, Valdet Hoxha ka reaguar lidhur ...
-
Thurte elozhe për Rikallon e dënuar për korrupsion, kush është njeriu që Qeveria e emëroi kryeshef të AUV-it
Qeveria Kurti ka marrë vendim sot për emërimin e Bekim Hoxhës, kryeshef i Agj...
-
Kurti takon ekipin Paralimpik të Kosovës: Angazhimi institucional është thelbësor në rritjen dhe zhvillimin e këtij sporti
Kryeministri i Republikës së Kosovës, Albin Kurti, i shoqëruar nga zëvendëskr...
-
Fatos Nano përsëri probleme me shëndetin, përfundon në spital
Ish kryeministri i Shqipërisë Fatos Nano ka përfunduar sërish në spital prej ...
-
Osmani: Duhet të forcojmë mbrojtjen shkaku i Serbisë
Rusia dëshiron të “hapë një front të ri kundër Perëndimit” duke destabilizuar...
-
Ramadani pyet: Si është e mundur që vila e Radojçiçit të ndërtohet në vitin 2021, kur ai s’kishte të drejtë të hynte legalisht n’Kosovë
Prokuroria Speciale e Kosovës ka ngritur aktakuzë për rastin e sulmit terrori...
-
I plagọsuri në rastin Capat – Sekiraqët lirohet nga Kardiokirurgjia
Njëri nga të plagosurit nga rasti Capat-Sekiraqët, është liruar sot nga spita...
-
Pezullimi i tenderit “Xhorxh Bush” në Prishtinë, reagon Mefi
Deputeti nga radhët e Vetëvendosjes Mefail Bajqinovci, ka reaguar lidhur me p...
-
Kastrati e quan Albulena Haxhiun “Miss non grata”: Po të ndiqej Radojçiq nuk do koordinohej as me Mimozën gjatë pushtetit tuaj
Deputeti i PDK’së, Ardian Kastrati derisa komentoi deklaratat e ministers së ...
-
Policia e dorëzon në Agjencinë e Arkivave materialin arkivor që e gjeti në komunat ilegale në Veri
Agjencia Shtetërore e Arkivave të Kosovës – ASHAK, ka publikuar pamje të mate...
-
Safet Gjici lë qelinë dhe përfundon në spital
Ish-kryetari i bashkisë së Kukësit, Safet Gjici ka lënë qelinë dhe është shtr...
-
Mblidhen 90 mijë euro për shërimin e Uvejs Fetahut, familja falenderon ata që ndihmuan, mbyllet aksioni
Është mbledhur shuma prej 90 mijë euro për shërimin e 8-vjeçarit, Uvejs Fetah...