Fakulteti i Arteve në Tetovë mbështet idenë që lulëkuqja të jetë simbol i gjenocidit në Kosovë
Autori: Gazeta inFokus 19:25 | 02 January 2023
Kolektivi i Fakultetit të Arteve në Universitetin e Tetovës, ka mbështetur idenë që lulëkuqja të jetë simbol i gjenocidit në Kosovë.
Serbia kishte kryer gjenocid në Kosovë gjatë fundit të shekullit XX, për këtë po kërkohet që lulëkuqja të jetë simbol që kujtohet ky gjenocid.
“Krimi i gjenocidit që shteti serb zbatoi kundër shqiptarëve të Kosovës, dëshmitarë të së cilit ishim ne, është krimi më monstruoz i fundit të shekullit XX. Është për keqardhje që edhe pas një çerek shekulli nga koha e kryerjes së gjenocidit serbe ndaj shqiptarëve nuk kemi një simbol që do të pasqyronte këtë krim”, thuhet ndër tjerash nnë njoftim.
Deklarata e plotë:
Gjenocidi është krimi më i shëmtuar dhe më mizor që njeh historia njerëzore. Duke përcaktuar për qëllim shkatërrimin e një grupi kombëtar, etnik, racor ose fetar si të tillë, kryerësit e gjenocidit godasin tërë njerëzimin!
Krimi i gjenocidit që shteti serb zbatoi kundër shqiptarëve të Kosovës, dëshmitarë të së cilit ishim ne, është krimi më monstruoz i fundit të shekullit XX. Është për keqardhje që edhe pas një çerek shekulli nga koha e kryerjes së gjenocidit serbe ndaj shqiptarëve nuk kemi një simbol që do të pasqyronte këtë krim.
Kërkesa e Qendrës “Gjenocidi në Kosovë-Plagë e hapur” që lulëkuqja me katër petale të bëhet simbol i viktimave të gjenocidit në Kosovë ka ngjallur interesimin tonë të madh.
Pasi e analizuam hollësisht propozimin e kësaj qendre, ne vendosëm të dalim me një deklaratë publike:
Lulëkuqja me nuancat e ngjyrës së flamurit tonë kombëtar, që pasqyron se qëllimi serb ishte shkatërrimi i tërësishëm ose i pjesshëm i shqiptarëve si komb;
Pasqyrimi i figurave të burrave, grave, djemve dhe vajzave në vend kokrrave të zeza të farës së lulëkuqes, për të kujtuar njerëzit e të gjitha moshave dhe gjinive që ishin viktima të këtij gjenocidi;
Prerja e lulëkuqes në katër petale për të përfshirë katër format e akteve gjenocidare, që Serbia zbatoi gjatë luftës së fundit në Kosovë (vrasjet, dhuna seksuale, spastrimi etnik dhe shkatërrimi i objekteve që lidhen me përkatësinë etnike dhe identitetin shqiptar);
Prerja e petaleve të lulëkuqes në atë formë që të transmetojnë mesazhin se kemi të bëjmë me plagë të hapura, nga rrjedh gjaku i pafajshëm i viktimave shqiptare të këtij gjenocidi;
Vendosja e petaleve në formë të shkronjës X, për të pasqyruar faktin se gjatë luftës, në disa vendbanime ku popullsia ishte e përzier në aspektin e përkatësisë etnike, okupatorët serbë kishin shënjuar shtëpitë e shqiptarëve qëllim që të udhëzoheshin forcat e armatosura serbe drejt vendeve ku duhej të kryheshin krimet;
Dhe elemente të tjera që ka lulëkuqja e propozuar nga Qendra “Gjenocidi në Kosovë-Plagë e hapur” është një realizim i shkëlqyer profesional.
Prandaj, ne si profesor të artit në Universitetin e Tetovës i japim përkrahjen e plotë dhe pa rezervë që lulëkuqja me katër petale të bëhet simbol i përkujtimit të gjenocidit në Kosovë.
Dekani: Prof. Mr. Senad Abduli
Prodekan për shkencë: Prof. Dr. Jëlldëz Asani
Profesor ordinar:
Nevzat Bejtuli Kica
Malik Arsllani
Ilirjan Beqiri
Bashkim Beqiri
Safet Spahiu
Bajram Çupi
Muamer Sadiku
Reshat Ameti
Nehat Beqiri
Hajrush Iseni
Sulejman Rushiti
Profesor inordinarë:
Ariana Kuriu Grubi
Agron Abduli
Sulejman Rushiti
Zenun Sherifi
Kushtrim Bekteshi
Bashkim Mexhiti
Safet Spahiu
Teuta Halimi
Nora Halimi
Sabedin Selmani
Docent:
Drenusha Palloshi
Asistentë:
Osman Demiri
Valmir Aziri
Të tjera
-
Ngjarjet e datës 8 maj
Kryeministri i Republikës së Kosovës, Albin Kurti, në 25-vjetorin e masakrës ...
-
Gazetarja Ardiana Thaçi Mehmeti cak i sulm*eve në grupin Albkings
Asociacioni i Gazetarëve të Kosovës me shqetësim të thellë i ka përcjellë rap...
-
Scholz: Siguria dhe stabiliteti i Ballkanit Perëndimor nuk duhet të merren si të mirëqena
Siguria dhe stabiliteti i shteteve të Ballkanit Perëndimor nuk mund të merren...
-
Hamiti: Imazhi i Kosovës më i keqi në historinë e vendit, ky është ndryshimi që bënë Vetëvendosje e Guxo
Muhamet Hamiti, anëtar i kryesisë së Lidhjes Demokratike të Kosovës (LDK)...
-
Lajçaku takon asistentin special të Bidenit, flasin për raportet BE-SHBA
I dërguari Special i Bashkimit Evropian për dialogun Kosovë-Serbi, Miroslav L...
-
Ndahet nga jeta infermieri dhe veterani i UÇK-së
Ish-veterani i Ushtrisë Çlirimtare të Kosovës dhe infermieri Skender Hoti, ng...
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...