Sport

Europa League, Lazio ‘përmbys’ Viteshen e Rashicës

Autori: Gazeta inFokus 08:46 | 15 September 2017

Lazio mori një fitore të çmuar në fushën e Viteshes, me rezultatin 3-2, në një ndeshje ku italianët e panë veten dy herë në disavantazh.

Milot Rashica asistoi të dy golat e holandezëve, që ishin thuajse identikë, ndërsa Strakosha ishte sërish titullar për bardhekaltrit dhe aspak fajtor në golat e pësuar.

Ndërkohë, Nice shkatërroi Zulten në transfertë 1-5, ndërsa Athletic Bilbao nuk shkoi më shumë se barazimi 0-0 me Hertën, në Berlin.

-Advertisement-

Ostersund mposhti Zorian 0-2, ndërsa Marseille u mjaftua me rezultatin 1-0 ndaj Konyasporit, për të marrë 3 pikët e para në Europa League.

Spanjollët e Real Sociedad morën një fitore të thellë ndaj Rosenborgut, me rezultatin 4-0, ndërkohë që në Maqedoni, Vardari u shkatërrua plotësisht nga Zenit me rezultatin 0-5.

Ndërkohë, ndeshja midis Arsenal dhe Koln filloi 60 minuta me vonesë, për shkak të trazirave të shkaktuara nga disa tifozë. Londinezët e mbyllën pjesën e parë në disavantazh, por përmbysën gjithçka në të dytën, duke fiksuar shifrat 3-1.

Subscribe në YouTube: GAZETA INFOKUSI
Etiketa:

Të tjera

Fokusi

sport