Lajme

EULEX: Nuk kemi pranuar letër nga Vuçiq për policët e arrestuar

Autori: Gazeta inFokus 17:06 | 19 June 2023

Misioni Evropian për Sundim të Ligjit në Kosovë (EULEX), e ka demantuar presidentin e Serbisë Aleksandar Vuçiq.

Vuçiq të dielen tha se i ka dërguar një letër EULEX-it rreth arrestimit të tre policëve të Kosovës.

Por, kjo u mohua nga ky mision.

-Advertisement-

Në një përgjigje për Klankosova.tv, EULEX tha se nuk kanë pranuar asnjë letër nga presidenti serb.

Derisa në përgjigje thuhet se lidhur me këtë çështje kanë kërkuar informacione nga Ministria e Brendshme.

“EULEX-i është në kontakt edhe me Policinë e Kosovës dhe KFOR-in në lidhje me këtë rast”, thuhet në përgjigje.

Tre pjesëtarë të policisë së Kosovës janë arrestuar nga Njësia Speciale e Serbisë para disa ditësh.

Kjo ngjarja ka shkaktuar reagim të madh në opinionin publik vendor dhe ndërkombëtar.

Ata po mbahen si të paraburgosur në Kralevë.

Shtetet e mëdha kanë kërkuar lirimin e tyre pa kushte.

Subscribe në YouTube: GAZETA INFOKUSI
GP Aviation dhe PrishtinaTicket me fluturime direkte dy herë në javë drejt Parisit!
-Advertisement-

Të tjera

Fokusi

lajme