Sport

Epoka e Marc Marquez në MotoGP

Autori: Gazeta inFokus 13:55 | 25 October 2017

Që nga debutimi në garën e Katarit, në vitin 2013, e deri te triumfi i së dielës në Phillip Island të Australisë kanë kaluar 4 vite e gjysmë, për një pilot që u rikonfurmua nga muaji në muaj si sensacion i MotoGP-së.

Në këtë periudhë kohore, Marc Marquez ka zhvilluar 88 Çmime të Mëdha dhe po projektohet pa shumë pengesa drejt titullit të katërt kampion bote.

Statistikat e mbledhura për pilotin iberik që prej vitit 2013 japin një panoramë mbresëlënëse, ndërsa duket qartë impakti i MotoGP-së dhe konkurrentëve, që prej zbarkimit të një talenti që “fluturon” mbi dy rrota.

-Advertisement-

Plot 35 fitore, 62 podiume dhe 44 “pole position” janë shifrat monstruoze dhe të nevojshme për ta quajtur këtë 5-vjeçar si “epokën e Marc Marquez”.

I vetmi që e ka rivalizuar në këto kohë është Jorge Lorenzo, me 21 fitore, 49 podiume dhe 14 “pole position”. Por kalimi i iberikut te skuadra e Ducatit dhe sezoni anonim i zhvilluar prej tij ndikuan në statistikat e gjysmëdekadës.

Përballë talentit të Marquez është dorëzuar edhe një veteran si Valentino Rossi. “Doktori” italian ka fituar 10 gara, por është ngjitur plot 50 herë në podiumin e më të mirëve. Më i dobët ka qenë rendimenti i pezarezit (provinca Pesaro) në provat kualifikuese, me vetëm 5 “pole position”, por ka edhe më keq. Dani Pedrosa, në një krahasim me shokun e tij në bokse ka 8 fitore, 40 podiume dhe 6 “pole position”.

Etiketa:
Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

sport

Ky website përdor cookies. Duke vazhduar përdorimin, ju pranoni përdorimin e tyre.

Privacy policy