Lajme

Enver Hasani për aktgjykimin ndaj ish-krerëve të UÇK-së: Qëllimi ishte dënimi, jo e vërteta

Autori: Gazeta inFokus 21:11 | 18 September 2026

Ish-kryetari i Gjykatës Kushtetuese të Kosovës, Enver Hasani, ka kritikuar ashpër aktgjykimin e shkallës së parë ndaj Hashim Thaçit, Kadri Veselit, Jakup Krasniqit dhe Rexhep Selimit, duke e cilësuar atë si të papranueshëm dhe duke pretenduar se në këtë rast është zbatuar “drejtësi selektive”.

Hasani, gjatë një paraqitjeje në emisionin “Tempus” në T7, tha se problemet në qasjen e trupit gjykues, sipas tij, mund të vëreheshin që në fillim të leximit të aktgjykimit.

“Si ia ka filluar me lexu letrën hyrëse, që në fjalinë e dytë e kam parë qasjen, aty shihej që është shumë keq”, deklaroi Hasani.

-Advertisement-

Ish-kreu i Kushtetueses pretendoi se elementet e aktgjykimit nuk ishin strukturuar në mënyrë objektive dhe subjektive.

“Elementet e aktgjykimit nuk ishin as objektive, as subjektive, dhe ishte tërësisht abstrakt”, u shpreh ai.

Hasani shkoi edhe më tej në kritikat e tij, duke pretenduar se mënyra se si është përcaktuar drejtësia në këtë rast tregon, sipas vlerësimit të tij, se synimi ka qenë dënimi dhe jo gjetja e së vërtetës.

“Për mua janë tri mënyra të përcaktimit të drejtësisë. Kjo tregon që qëllim ishte patjetër vetëm dënimi e jo e vërteta, pasi që e vërteta s’mundet të gjendet menjëherë, duke i përjashtuar të gjitha metodat, dhe kjo është drejtësi selektive”, deklaroi Hasani.

Megjithatë, ai theksoi se bëhet fjalë për një vendim të shkallës së parë.

“Tek e fundit, kjo është vendim i shkallës së parë, dhe është total aktgjykim i papranueshëm”, tha Hasani.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy