Lajme

Dënohet me shtatë vjet burgim për grabitjen e 115 eurove një person në Gjakovë

Autori: Gazeta inFokus 19:20 | 11 November 2026

Gjykata Themelore në Gjakovë ka dënuar me shtatë vjet burgim dhe 500 euro gjobë një person me inicialet A.M., i shpallur fajtor për veprën penale të grabitjes.

Sipas njoftimit të Gjykatës, i pandehuri akuzohet se më 1 qershor 2026, rreth orës 17:50, prapa këndit të lojërave në rrugën “Ferid Domi” në Gjakovë, në bashkëpunim me dy të mitur, ka grabitur çantën e një personi me inicialet E.B.

Sipas aktakuzës së Prokurorisë Themelore në Gjakovë, i pandehuri fillimisht kishte lënë takim me viktimën dhe, pasi ishin takuar në vendin e caktuar, i ishte afruar duke e kapur nga qafa çantën që mbante me vete, ndërsa në dorë kishte një thikë.

-Advertisement-

Gjatë përleshjes, A.M. dyshohet se e kishte goditur viktimën disa herë në krahun e majtë me dorezën e thikës, më pas ia kishte prerë rripin e çantës dhe ia kishte marrë atë.

Pasi kishte kontrolluar çantën, nga portofoli i viktimës kishte marrë 115 euro.

Më pas, së bashku me dy të miturit, e kishte goditur sërish viktimën me grushte në pjesë të ndryshme të trupit, duke i shkaktuar lëndime të lehta trupore.

Pas mbajtjes së shqyrtimit gjyqësor, trupi gjykues, i kryesuar nga gjyqtari Sulltan Dobraj, e shpalli fajtor të pandehurin dhe i shqiptoi dënimin prej shtatë vjetësh burgim, si dhe 500 euro gjobë.

Etiketa:
Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy