Rozë

Eliminimi surprizë gjatë spektaklit- Ky banorë largohet nga Big Brother VIP Albania

Autori: Gazeta inFokus 09:53 | 02 March 2025

Big Brother VIP Albania 4 solli një tjetër eliminim surprizë në spektaklin e së shtunës, ku këngëtari i ri Riki Sllamniku u largua nga gara pas vetëm katër ditësh në shtëpinë më të famshme në Shqipëri.

Në një televotim të hapur gjatë spektaklit, ku të gjithë 19 banorët ishin të nominuar, Riki ishte i eliminuari i dytë i mbrëmjes, pas Tiri Gjocit, i cili u largua më herët.

Pavarësisht qëndrimit të tij të shkurtër, Riki nga Kosova arriti të lërë një përshtypje të mirë brenda shtëpisë, duke krijuar lidhje me disa prej banorëve dhe duke sjellë një energji të re në format.Megjithatë, publiku vendosi që rrugëtimi i tij të përfundonte shpejt.

-Advertisement-

Eliminimi i tij shkaktoi reagime të ndryshme në rrjetet sociale, ku fansat shprehën zhgënjimin e tyre për largimin e parakohshëm të këngëtarit të ri.

Big Brother VIP Albania vazhdon të sjellë surpriza, ndërsa gara bëhet gjithnjë e më e fortë me çdo spektakël të ri.