Ekskluzive: Video-incizimet e zhdukjes së mostrave të Deharit janë në duart e Prokurorisë, hetuesia i mori dy ditë pas publikimit të rastit
Autori: Gazeta inFokus 19:57 | 20 February 2023
Prokuroria Speciale posedon video-incizimet që ndërlidhen me skandalin e zhdukjes së provave për zbardhjen e rastit të vdekjes së Astrit Deharit.
Gazeta Insajderi mëson se hetuesia me urdhër të Prokurorisë Speciale, dy ditë pasi është bërë publik lajmi, ka marrë pamjet nga kamerat brenda Laboratorit të Toksilogjisë në Institutin e Mjekësisë Ligjore.
Këto pamje janë dëshmi për të vërtetuar se çfarë ka ndodhur me mostrat e zhdukura nga frigoriferi i laboratorit. Një paralajmërim të tillë kishte dhënë edhe deputeti i VV’së Haki Abazi duke hedhë dyshime se pamjet konfirmojnë se kush i ka zhdukur mostrat e Astrit Deharit nga IML-ja
Burime të Gazetës brenda IML’së tregojnë se pamjet nga kamerat e sigurisë ruhen deri në 1 muaj e gjysmë. Ndërsa, lidhur me zhdukjen e mostrave të Astrit Deharit, pamjet janë ruajtur dhe janë në dorën e Prokurorisë Speciale.
“Pamjet ruhen zakonisht një muaj ditë, por varësisht nga kapaciteti i Hard diskut. Pamjet në rastin Dehari janë ruajtur 1 muaj e gjysmë. Dy ditë pasi është publikuar rasti, me urdhër të prokurorit, hetuesia i ka marrë pamjet”, tha ky burim.
Kamerat brenda Instituti regjistrojnë vetëm momente kur ka lëvizje. Dhe varësisht nga incizimet e reja fshihen ato të vjetrat, tregon tutje ky burim.
Më 8 dhjetor 2022 Ministrja e Drejtësisë, Albulena Haxhiu ka bërë të ditur se janë zhdukur provat për rastin e vdekjes së Astrit Deharit.
Dy ditë më pas, Policia e Kosovës me urdhër të Prokurorisë Speciale ka marrë provat nga IML. Por një gjë të tillë nuk e konfirmon ministrja Haxhiu. Sipas infomacionee që ajo thotë se posedon, pamjet nga kamerat janë fshirë.
Haxhiu, po në këtë konferencë për media, pati bërë të ditur se ajo personalisht ishte interesuar për kamerat të cilat monitorojnë për 24 orë Institutin e Mjekësisë Ligjore, por sipas informatave të marra nga personeli aty ajo kishte deklaruar se pamjet e marra nga kamerat e sigurisë rruhen në databaza vetëm për 1 muaj.
“Ne pyetëm për kamerat e sigurisë, aty ka kamera, por ju e dini që vetëm 1 muaj sipas informacioneve po ashtu që na u thanë nuk mund të qëndrojnë më shumë se 2 javë apo 1 muaj”, kishte thënë ajo.
Paralajmërim i frikshëm i Haki Abazit: Video-incizimet konfirmojnë se kush i ka zhdukur mostrat e rastit Dehari
Megjithatë, rreth 2 muaj më vonë me këtë konstatim të ministres së Haxhiu lidhur me kamerat e sigurisë nuk është pajtuar bashkëpartiaku i saj, Haki Abazi.
Abazi në një konferencë për media, të enjten, ka thënë se ai është në dijeni të video-incizimeve të cilat, sipas tij, konfirmojnë se kush i ka zhdukur mostrat e rastit të Deharit.
I njëjti, duke folur për mostrat e gjakut të Deharit që muaj më parë u zhdukën, ka thënë se Prokuroria duhet të intervistojë kryeministrin Albin Kurti, ministren e Drejtësisë Albulena Haxhiu e disa anëtarë të tjerë të Vetëvendosjes.
“Instituti i Mjekësisë Ligjore monitorohet 24 orë nga kamerat, dihet qartë kush ka hyrë te frigoriferi dhe ka nxjerrë mostrat të cilat kanë qenë të vendosura nën mostrat e tjera dhe janë zhdukur”.
“Nuk besoj se kamerat mund të gënjejnë se çfarë ka ndodhur. Prokuroria duhet ta marrë në pyetje kryeministrin Kurti, Dejona Mihailin, Nazlie Balajn, Albulena Haxhiun dhe Flutura Goga-Bajrami. Rasti i Astrit Deharit është shumë i rëndë për tu mbajt mbi supet e qytetarëve dhe këtij vendi që realisht kërkon drejtësi”, ka shtuar ai.
Për deklaratat e tij, Prokuroria Speciale do ta intervistoj të martën deputetin Haki Abazi lidhur me pretendimet e tij se ekzistojnë video- incizimet.
Të tjera
-
Vllasi: E pakuptueshme që Kosova me sjelljet e veta rrezikon pranimin në KiE
Njohësi i rrethanave politike, Azem Vllasi ka thënë se Kosova po e humb një m...
-
Specialja ua vazhdon paraburgimin Rexhep Selimit dhe Jakup Krasniqit
Në Dhomat e Specializuara të Kosovës (DhSK) në Hagë është marrë vendim për va...
-
Tahiri: Një pjesë e pushtetit është verbuar skajshmërisht, tjetra vazhdon me eksperiment pas eksperimenti
Shefi i Grupit Parlamentar të Aleancës për Ardhmërinë e Kosovës, Besnik Tahir...
-
Abelard Tahiri viziton Hashim Thaçin në Hagë -jep detaje nga takimi me të
Shefi i Grupit Parlamentar të PDK-së, Abelard Tahiri, e ka vizituar në Hagë i...
-
Dyshimet e Dukagjin Goranit: Kurti e Krasniqi diskutuan për t’ia shkurtuar mandatin Presidentes
Analisti Dukagjin Gorani ka hedhur dyshime se darka mes kryeministrit Albin K...
-
Propozimi i Qeverisë për të shkruar draft për Asociacionin, deklarohet Bashkimi Evropian
Bashkimi Evropian (BE) ka thënë të enjten vonë se e ka “të pamundur” ta vlerë...
-
Ahmeti tallet me letrat e qeverisë: Me i mbledhë, goxha njëfarë libri del
Shpend Ahmeti është tallur me letrat që qeveritarët ia kanë dërguar ndërkombë...
-
E rëndë: Polici vr*t ish kolegen në komisariatin e policisë
Një ngjarje e rëndë është shënuar pasditen e së enjtes në Anzola dell’Emilia,...
-
Spahiu: Asociacioni do t’i shërbejë Serbisë për të futur një këmbë në Kosovë
Ish-ambasadori i Kosovës në Shtetet e Bashkuara të Amerikës (SHBA), Avni Spah...
-
Maliqi: Perëndimi është bindur që Kosova nuk është negociatore dhe palë serioze, për Vuçiqin nuk ka fitore më të madhe
Analisti Agon Maliqi ka thënë se perëndimi është bindur që Kosova nuk ëshë ne...
-
“PDK-ja dhe VV-ja do të hyjnë në koalicion pas zgjedhjeve”
Deputeti i AAK-së, Shemsedin Dreshaj, tha se pas takimit të fundit në mes të ...
-
Knaus thotë se letra e treshes evropiane iu dërgua Kurtit para asaj të Gërvallës në KE
Gerald Knaus, nga Iniciativa Evropiane për Stabilitet, ka deklaruar se letra ...