Sport

EKSKLUZIVE: Paolo Tramezzani në bankinën e Përfaqësueses së Kosovës? Pse jo

Autori: Gazeta inFokus 17:53 | 23 October 2017

Trajneri italian Paolo Tramezzani, është një ndër trajnerët më të dashur për të gjithë shqiptarët.

Tramezzani vitin e kaluar së bashku me Gianni De Biasin e dërguan për herë të parë Kombëtaren e Shqipërisë në një Kampionat Evropian.

Ai së fundmi është larguar nga skuadra e Sionit në Zvicër, ekip te i cili u transferua pas një aventure shumë të suksesshme te Lugano.

-Advertisement-

tramezzani-sion

Paolo Tramezzani në bankinën e Përfaqësueses së Kosovës? Pse jo.

Italiani nuk e fsheh dëshirën për të marrë drejtimin e Kosovës.

Në një prononcim ekskluziv për Gazetën Olle, Tramezzani thotë që do të ishte interesante sikur të kishte një rast te Kosova.

Gjithsesi, ai e pranon që aktualisht nuk e di mirë situatën e Kosovës.

“Për momentin nuk e di situatën te Përfaqësuesja e Kosovës por do të ishte shumë interesante në të ardhmen që të kem një rast”, deklaroi Tramezzani për “GazetaOlle.com”.

Image result for tramezzani sion

Ai thotë se e njeh mirë Kosovën.

Tramezzani thotë se e dashuronte punën në Shqipëri, andaj do t’i pëlqente të punojë edhe në Kosovë.

E them këtë sepse njoh shumë mirë atë vend, sepse e kam dashur shumë punën në Shqipëri. Të shohim”, shtoi ai.

Përfaqësuesja e Kosovës është në kërkim të një përzgjedhësi pas largimit të Albert Bunjakut.

Tramezzani sigurisht se do të ishte një ide interesante për kryetarin e Federatës së Futbollit, Fadil Vokrri.

Kujtojmë se Tramezzani njihet si trajner i cili ka ofruar shumë futbollistë në Kombëtaren e Shqipërisë.

Ai ka një karrierë mjaft të pasur si futbollist derisa ka luajtur edhe për skuadrën e Interit. /Gazeta Olle/

 

de biasi tramee

 

tramezzani

 

Subscribe në YouTube: GAZETA INFOKUSI
Etiketa:

Të tjera

Fokusi

sport