Lajme

Ekrem Raka: Subjekti ynë s’bëhet pjesë e asnjërit bllok ideologjik

Autori: Gazeta inFokus 12:36 | 17 May 2017

Bartësi i Listës për Kaçanikun, Ekrem Raka, certifikimin e koalicioneve në KQZ e quajti rreshtim të pastër ideologjik të partive. Në këtë konteklst, ai e përmendi vendimin jodemokratik të ish- kryetarit të Gjykatës Kushtetuese, Enver Hasanit, sipas të cilit i pari në zgjedhje i merr të gjitha.

E zë në gojë vendimin e Enver “Babës”, i cili ka prodhuar këtë bashkim ideologjik.
Për “S’je kaçanikli…”, bartësi i kësaj Liste jorastësisht nuk e përmendi recetën e Enver Hasanit, recetë kjo që mund të aktivizohet në zgjedhjet e parakohshme të 11 qershorit.
Tërhoqi vërejtjen se subjekti i tij politik s’bëhet pjesë e asnëjrit bllok ideologjik.
Ekrem Raka në postimin e tij në “Facebook” shkruan:

Ajo që ndodhi mbrëmë me koalicionet është edhe rreshtim i pastër ideologjik i partive. Vendimi jodemokratik i Enver Hasanit, sipas të cilit i pari në zgjedhje i merr të gjitha, e ka prodhuar këtë bashkim ideologjik. Mospajtimet e deritashme ndërmjet partish me bazament të njejtë ideologjik nuk kanë qenë veçse animozitete ndërmjet liderësh për interesa të ngushta.

-Advertisement-

Fuzionimi ideologjik i partive do të shtrihet edhe nëpër komuna para zgjedhjeve lokale. Ne Kaçanik ndërkaq Lista për Kaçanikun do të jetë mundësi për të gjithë ata që politikën e shohin vetëm si agazhim qytetar, për interesa të qytetarëve. Lista për Kaçanikun është iniciativë qytetare që nuk do te behet pjesë e asnjërit bllok ideologjik.

Subscribe në YouTube: GAZETA INFOKUSI
Etiketa:
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme