Lajme

Edi Rama “thërret” shefen e Komisionit Evropian: Ursula po vjen apo jo?

Autori: Gazeta inFokus 14:58 | 27 October 2022

Kryeministri i Shqipërisë, Edi Rama, ka shkuar në aeroportin e Rinasit për të pritur presidenten e Komisionit Europian, Ursula von der Leyen, shkruan Gazeta Infokus.

Ai përmes një postimi në rrjetin social “Facebook” ka publikuar një fotografi me telefon në dorë ku krahas saj ka shkruar “Ursula po vjen apo jo?”.

“Në Rinas, për të pritur Presidenten e Komisionit Evropian, Ursula von der Leyen”, ka shkruar Rama.

-Advertisement-

Kujtojmë se shefja e Komisionit Evropian sot ka qëndruar në Kosovë ku është takuar me presidenten Vjosa Osmani dhe kryeministrin Albin Kurti.

Pas takimit me presidenten Osmani, në një konferencë për media ajo tha se ka pasur një “takim shumë të mirë” me “biseda shumë intensive”.

Ajo përsëriti si zakonisht se “Kosova e meriton liberalizimin e vizave”, ndërsa tha se do të përpiqen t’i bindin të gjithë ne BE që kosovarëve t’u hiqen vizat.

“Kosova e meriton liberalizimin e vizave. Tani kemi rikonfirmuar që i keni plotësuar të gjitha kriteret. Detyra jonë tani është që ta bindim të gjithë Këshillin Europian – shumica nga ta tashmë janë në anën tuaj”, tha Von der Leyen.

Ajo tha se e ka parë “përparimin që ka arritur Kosova” dhe tha se do të bëjnë gjithçka që Kosovës t’i hiqen vizat.

Derisa në takim më Kurtin u diskutua edhe për krizën energjetike me të cilën po përballet i gjithë kontinenti evropian.

“Bashkimi Evropian ka qenë partner i vazhdueshëm i shtetit të Kosovës. Në këtë takim të sotëm, u konfirmua ndihma e menjëhershme buxhetore prej 75 milionë euro për Kosovën në ballafaqimin me krizën energjetike. Në emër të Qeverisë së Republikës së Kosovës dhe popullit të Kosovës, kryeministri Kurti shprehu falënderimin e tij për këtë mbështetje e cila do të ndihmojë drejtpërdrejt në minimizimin e efekteve të krizës energjetike te qytetarët tanë”, thuhet në komunikatën e Zyrës së Kryeministrit./Gazeta Infokus/

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme