Edhe dy muaj tjerë paraburgim për Thaçin dhe Veselin
Autori: Gazeta inFokus 13:29 | 15 October 2024
Dhomat e Specializuara të Kosovës (DhSK) në Hagë, kanë marrë vendim për vazhdimin e masës së paraburgimit edhe për nga dy muaj të tjerë për ish-Presidentin Hashim Thaçi dhe ish-kryeparlamentarin Kadri Veseli, të cilët akuzohen për krime lufte së bashku me Rexhep Selimin dhe Jakup Krasniqin.
Vendimet e ndara për dy të akuzuarit janë marrë më 14 tetor 2024 nga kryetari i trupit gjykues, Charles Smith III.
“Paneli konkludon se në këtë moment nuk ka ende mjaftueshëm informacion që të justifikojë një gjetje se z. Thaçi (z.Veseli) mund të arratiset nga drejtësia nëse lirohet. Megjithatë, Paneli është i kënaqur, bazuar në standardin përkatës, se ekziston një rrezik i mjaftueshëm që z. Thaçi (z.Veseli) do të pengojë përparimin e procedurave të Dhomave të Specializuara dhe se ai mund të kryejë krime të tjera kundër atyre që perceptohen si kundërshtarë të UÇK-së, duke përfshirë dëshmitarët që kanë dhënë ose mund të japin dëshmi në këtë çështje dhe/ose pritet të paraqiten para Dhomave të Specializuara”, thuhet në vendimet ndaj tyre.
Gjithashtu, në këto vendime thuhet se ZPS-ja ka parashtruar se sjellja e dy të akuzuarve paraqet rrezik të shtuar për shkak të zbulimit të vazhdueshëm të informacioneve të ndjeshme të dëshmitarëve lidhur me procesin gjyqësor.
Si rrjedhojë, tek këto vendime, Paneli ka rikujtuar se arsyeshmëria për vazhdimin e paraburgimit ndaj të akuzuarve duhet të vlerësohet bazuar në fakte të secilit rast dhe veçorive specifike të tij.
“Veçoritë specifike të këtij rasti përfshijnë: (i) ndikimin dhe autoritetin e z. Thaçi; (ii) njohurinë e tij për akuzat dhe provat kundër tij, dhe mundësinë e një dënimi të gjatë me burg; (iii) rrezikun që z. Thaçi të pengojë procedurat e Dhomave të Specializuara; (iv) rrezikun e kryerjes, nxitjes ose ndihmës në kryerjen e krimeve të tjera; (v) faktin se masat kufizuese në rast lirimi nuk janë të mjaftueshme për të zbutur rreziqet; (vi) rëndësinë dhe kompleksitetin e akuzave kundër z. Thaçi; dhe (vii) faktin se gjyqi është në zhvillim, duke treguar një përparim të arsyeshëm të procedurave”, thuhet në vendimin për Thaçin.
Ndërsa, për Veselin, Paneli ka vlerësuar se ai akuzohet për dhjetë pika të krimeve ndërkombëtare, e në rast që shpallet fajtor mund të dënohet me një dënim të gjatë me burg.
“Sipas vlerësimit të Panelit, veçoritë specifike të këtij rasti përfshijnë: (i) z. Veseli është i akuzuar për dhjetë pika të krimeve të rënda ndërkombëtare, në të cilat ai dyshohet të ketë luajtur një rol të rëndësishëm; (ii) nëse shpallet fajtor, z. Veseli mund të përballet me një dënim të gjatë me burg; (iii) rreziqet sipas nenit 41(6)(b)(ii) dhe (iii) nuk mund të zbuten me ndonjë kusht; (iv) çështja kundër z. Veseli është komplekse; dhe (v) fakti që gjyqi është në zhvillim, duke treguar një përparim të arsyeshëm të procedurave”, thuhet në vendimin për Veselin.
Si rrjedhojë, Paneli ka konstatuar se vazhdimi i paraburgimit edhe për dy muaj të tjerë për dy të akuzuarit është i nevojshëm dhe i arsyeshëm kështu duke e urdhëruar vazhdimin e një mase të tillë.
Në fund të vendimeve, trupi gjykues ka urdhëruar edhe ZPS-në që të dorëzojnë parashtrimet e tyre mbi shqyrtimin e ardhshëm të paraburgimit ndaj Thaçit dhe Veselit deri më 22 nëntor 2024. ndërsa përgjigjet në këto parashtrime të dorëzohen sipas afateve të përcaktuara me Rregullore.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë. Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020./BetimipërDrejtësi
Të tjera
-
Reagon LDK për mesazhet Mihali-Krasniqi: Strukturë kriminale, menaxhuan edhe oraret e reduktimeve të rrymës
Lidhja Demokratike e Kosovës ka reaguar pasi u publikuan komunikimet mes koor...
-
Zbritje dhe plot 5 dhurata – Oferta spektakulare e dyshekëve Comodita
Edhe pak ditë kanë mbetur nga zbritja e madhe në të gjithë dyshekët Comodita....
-
E quajti “horr”, Isa Mustafa i përgjigjet Dejona Mihalit: Qeveria ime ia kishte ndaluar qëndrimin në Kosovë
Në mesazhet e publikuara nga gazeta Nacionale, ‘komisarja’ e VV-së, Dejona Mi...
-
Spektakli i Vitit, Ekskluzivisht në Artmotion – BBVK3!
Më 18 tetor, skena televizive shqiptare do të shndrit nga rikthimi i shumëpri...
-
Plantacioni dy tonësh i drọgës në Pejë, këta janë personat që u arratisën e po i kërkon Policia
Policia e Kosovës ka shpallur në kërkim pesë persona si të dyshuar për përfsh...
-
Banorët e Shipitullës protestojnë para ministrisë së Mjedisit, kërkojnë të përfshihen në procesin e shpronësimit
Banorët e fshatit Shipitullë, të Komunës së Obiliqit, kanë protestuar sërish ...
-
Arrestohet i dyshuari për vrạsje të rëndë të kryer në vitin 2022 në Prizren
Policia e Kosovës ka njoftuar se i dyshuari M.A. , mashkull, shtetas Sirian, ...
-
PDK`ja kërkon seancë të jashtëzakonshme për mesazhet e Dejona Mihalit dhe faljen e borxheve të ambalazhuesit të ujit
Shefi i Grupit Parlamentar të Partisë Demokratike të Kosovës, Abelard Tahiri,...
-
Gara mbetet e ngushtë më pak se tre javë para zgjedhjeve të 5 Nëntorit
Kandidatja demokrate Kamala Harris, po lufton për votën e hispanikëve dhe nje...
-
Aksident mes dy veturave në Gjakovë, katër të lënduar
Një aksident mes dy veturave ka nddohur në rrugën “Gjergj Sokoli”, në Gjakovë...
-
Ndahet nga jeta Arif Neziri nga Prekazi i Epërm, i njohur për dashurinë e tij për futbollin
Sot ka ndërruar jetë Arif Neziri nga Prekazi i Epërm i Skenderajt, i njohur p...
-
Hovenier: Amerika mbetet e palëkundur në mbështetjen ndaj misionit të NATO-s në Kosovë
Ambasadori i ShBA-së në Kosovë, Jeff Hovenier, ka thënë se ishte privilegj pj...