Fun & Video

E rëndë, polaku i vë flakën vetes para parlamentit (Video)

Autori: Gazeta inFokus 15:27 | 17 June 2020

Një burrë 48-vjeç është spërkatur me benzinë dhe më pas i ka vënë flakën veten. Ngjarja e rëndë ka ndodhur para parlamentit polak në Varshavë.

Ndërhyrja e shpejtë e policisë bëri që ky burrë të shpëtohet dhe të dërgohet me urgjencë në spital për trajtim.

Ai i ishte afruar gazetarëve para hyrjes së parlamentit polak, kishte pyetur nëse ka gazetarë dhe kur mori përgjigjen, shkoi në afërsi të një shtatoreje dhe i vëri flakën vetes.

-Advertisement-

“48-vjeçarin e mbuluar nga zjarri e vunë re policët që po patrullonin. Me ndihmën e një kalimtari kanë arritur ta fikin zjarrin, ndërsa menjëherë i kanë dhënë ndihmën e parë burrit që më pas u dërgua në spital me autoambulancë”, ka deklaruar zëdhënësi i policisë lokale, Robert Shumjata. Mjekët kanë bërë të ditur se jeta e 48-vjeçarit nuk është në rrezik.