“E lashë me punë e me çdo gjë duke mendu që kam me vdek”- u diagnostikua me kancerin e gjirit në moshën 54 vjeçare, pas 20 vitesh, Nafije Latifi tregon se si e mori lajmin
09:10 | 11 October 2024 Autori: InfokusiNë moshën 74 vjeçare ende po lufton fuqishëm që t’u ndihmojë grave që janë diagnostikuar me kancerin e gjirit.
Nafije Latifi, drejtoreshë e Qendrës Kosovare për luftimin e Kancerit të Gjirit “Jeta Vita”, në emisionin Gratë n’Fokus me Meme Smajlin ka rrëfyer për përballjen me këtë sëmundje në moshën 54 vjeçare në vitin 2004.
“E lashë me punë e me çdo gjë duke e prit vdekjen por vdekja nuk erdhi”, ka thënë ajo.
Duke treguar që kanceri nuk do të thotë të vdesësh ashtu siç është stigmatizuar me vite, Latifi jep mesazhin e një gruaje që nuk u ndal asnjëherë.
Edhe pas 20 vitesh që u shërua nga kanceri i gjirit, ajo vazhdon punën vullnetare duke ndihmuar përmes qendrës së saj, gratë e tjera që vuajnë nga kjo sëmundje.
“Kur unë munda dhe po mundem edhe në këtë moshë, munden të gjithë andaj mos u ndalni e mos u dorëzoni” është mesazhi i saj.
Ndiqni rrëfimin emocionues në youtube: