Lajme

“E di Sllavko”, “Zdravo banda”, Abazi ia përmend VV-së aferën “Zdravo”

Autori: Gazeta inFokus 11:36 | 14 September 2023

Deputeti Haki Abazi, ka thënë se pozita e hapi debatin në Kuvend, me ‘suksesin e Lojërave Mesdhetare’ ndërkohë që nuk bëri zë kur ‘shokët i erdhën në Kuvend’ – duke iu referuar Listës Serbe, e cila sic u raportua, erdhi në Kuvend vetëm sa për të mos e humbur mandatin dhe doli prej sallës menjëherë.

“Shumë kisha dashtë me thanë fillim të mbarë, kur del partia në pozitë dhe flet për Lojërat Mesdhetare që kanë me u mbajtë në vitin 2030, është tuj dashtë me humbë vëmendjen prej Radojçiqit”, tha Abazi, përcjell Periskopi.

“Ka kësi, ka edhe qesi”, tha Abazi, teksa ngriti duart me fotot e aferës ‘Zdravo’.

-Advertisement-

“Ka edhe Radojçiq edhe koordinim me ata shokët e juaj që erdhën këtu e nuk guxoni më bë zë. Edhe e paguani rrymën si ata që kanë qenë në pushtet qe 20 vjet. Jeni të njëjtit që ia vazhdoni mandatin e EULEX-it për me i bastis shtëpitë e veteranëve të UÇK-së, vetë i keni rrotullu makinat e EULX-it. Është një listë e gjatë e gjërave që jo Mesdheu, po as Oqeani nuk mundet me i mbulu”, tha ai.