Lajme

E cilësuan vit të artit e kulturës, por sa shpenzoi MKRS për këtë punë gjatë një viti?

Autori: Gazeta inFokus 23:09 | 10 February 2023

Angazhimin për t’i trajtuar çështjet e kulturës e sportit në vend i përsërit në vazhdimësi. Por, sa shpenzoi ministri Hajrulla Çeku nga buxheti i shtetit për aktivitetet e tij?

Në fund të muajit janar, i pari i MKRS-së kishte udhëtuar për në Zvicër.

Atje do të zhvillonte një takim me Gianni Infantino i FIFA-s.

-Advertisement-

Për këtë dhe udhëtime të tjera, Çeku ka shpenzuar mbi 4 mijë e 500 euro për bileta.

Ai pasohet nga këshilltarja Zana Fetiu e cila shpenzoi gjithsejtë 3 mijë e 100 euro për të udhëtuar.

Në tërësi, kjo ministri ka shpenzuar mbi 15 mijë euro për bileta.

E për t’i kontribuar artit e kulturës në vend është e angazhuar edhe këshilltarja Rozafa Imami.

Për t’i kryer angazhimet e saj, Imami pranoi edhe mëditje që kapin shifrën prej 700 eurosh.

300 euro më shumë për mëditje pranoi Klodeta Krasniqi e cila mban pozitën e njëjtë.

Për dreka më së shumti shpenzoi ministri Hajrulla Çeku me rreth 3 mijë e 300 euro.

Ai pasohet nga këshilltari Onur Canhasi.

I gjithë kabineti për dreka e darka shpenzoi mbi 12 mijë euro. Dy mijë euro më pak se kaq u shpenzuan për akomodime.

Në total mëditjet kapen vlerën e 6 mijë eurosh. Për të zhvilluar telefonata, Çeku shpenzoi rreth 600 euro.

Të gjitha këto shpenzime së bashku të Çekut kapin shifrën prej 13 mijë eurosh.

Ndërkaq kabineti i tij në tërësi 36 mijë euro.

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme