Lajme

Dyshohet për prodhim të kundërligjshëm, Dogana e Kosovës pritet të konfiskojë një sasie të madhe të verës në Rahovec

Autori: Gazeta inFokus 22:16 | 07 December 2022

Dogana e Kosovës sot ka zhvilluar aksion për kontrollin e prodhuesve të verërave në Hoçë të Madhe në Rahovec.

Pronari i vreshtit, Srđan Petroviq për Kosova Online thekson se doganierët e arsyetojnë qëllimin e tyre me faktin se ai nuk ka një kompani të regjistruar dhe shton se verën që zotëron asnjëherë nuk e ka fshehur dhe as e ka shitur.

“Kemi gjashtë gjenerata që prodhojmë verë, kompaninë time e kam vënë në pritje në përputhje me ligjin kur ka filluar virusi korona, kompania nuk është aktivizuar më pas, dhe sasitë e verës që kam bërë i kam bërë për nevojat e mia. Këtë verë nuk e kam shitur askund, as në veri as në jug. Bëja sasi me të cilat mund të hyja në treg dhe të isha konkurrues”, tha Petroviq.

-Advertisement-

Petroviq donte të bënte gjithçka në përputhje me ligjin dhe në marrëveshje me prodhuesit e tjerë. Siç thotë ai zyrtarët i kanë njoftuar se do të konfiskohen 40.000 litra verë.

“Unë, si të gjithë prodhuesit, jam i detyruar të raportojmë sasinë e rrushit që kemi vjelur deri më 10 dhjetor dhe deri më 15 janar kemi kohë të raportojmë sasinë e verës që kemi prodhuar. Të gjithë prisnim të raportonim deri atëherë. Ndërkohë, erdhën inspektorët dhe renditën 40 mijë litra verë dhe tre ton raki”, na ka konfirmuar Petroviq.

Ai thotë se është një nga prodhuesit më të mëdhenj dhe se për momentin para shtëpisë së tij po mblidhen njerëzit nga frika se çfarë do të ndodhë me ta.

Subscribe në YouTube: GAZETA INFOKUSI
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme