Ka përfunduar takimi i javës së katërmbëdhjetë në Bundesiligën gjermane ndërmjet Wofsburgut dhe Werder Bremenit, shkruan Gazeta inFokus.

Skuadra e Milot Rashicës, Werder Bremeni ka shënuar fitore të madhe në udhëtim të Wolfsburgu me rezultat 3-2.

Dy nga këto tri gola për Bremenin i shënoi fantazisti kosovar, Milot Rashica.

Sulmuesi i kombëtares së Kosovës golin e parë e shënoi nga pika e bardhë në minutën e 12’.

Vendasit arritën ta barazonin rezultatin në minutën e 36’ me anë të Weghorst.

Mysafirët e rikthyen epërsinë në minutën e 39’ më golin e Bittencourt, i cili shënoi për 1-2.

Wolfsburgu arriti përsëri ta barazoj rezultatin me golin e shënuar nga Willim në minutën e 73’.

Fitoren dhe tri pikë të arta Werder Bremenit ia siguroj Milot Rashica, i cili në minutën e 83’ realizoi një gol të bukur më të majtën për rezultatin përfundimtar 3-2.

Të dy golat e realizuara sulmuesi vushtrrias i festoi duke e bërë shqiponjën me duar në nderim të viktimave të tërmetit në Shqipëri.

Pas kësaj fitoreje Bremeni renditet i 12-ti me 14 pikë, ndërsa Wolfsburgu i nënti me 20 sosh./Gazeta inFokus/