Rozë

Dua, Bella dhe Selena nuk kanë asgjë më shumë se ty!

Autori: Gazeta inFokus 19:10 | 01 June 2018

Ka shumë histori dashurie që duken sikur marrin fund. Por pikërisht gjithçka që çifti ka kaluar mbetet një kujtim tepër i vyer aq sa shpesh, ajo që dikur e kanë quajtur dashuri bënë që ata t’i rikthehen njëri-tjetrit.

Nëse edhe ti je një vajzë apo djalë që je rilidhur me ish-të dashurin tënd thjesht sepse ashtu ta deshi zemra, atëherë shijoje këtë gjë deri në maksimum. Fundja nuk po bën asgjë më pak e as më shumë seç çfarë ka bërë Dua Lipa, Bella Hadid apo Selena Gomez.

Mediat e huaja kanë shkruar pafund muajt e fundit për rikthimin e bujshëm të një prej çifteve më të dashura për të rinjtë; Selena Gomez dhe Justin Bieber. Ata dikur kanë qenë të lidhur por marrëdhënia e tyre mori fund deri sa papritur në një moment aspak të këndshëm në jetën e Selenës, pak ditë para transplantit të veshkës së saj shfaqet Justin Bieber. Ish-i dashuri i Selenës por njëkohësisht emri me të cilin mediat e kanë lidhur gjithmonë, Justin i qëndroi pranë këngëtares në një moment kaq të vështirë dhe kështu vendosën që t’i jepnin njëri-tjetrit edhe një mundësi; të dilte ku të dilte.

-Advertisement-

Bella Hadid dhe The Weeknd janë një tjetër shembull. Mediat e huaja prej ditësh po flasin për një rikthim të tyre që prej eventit Coachella në muajin prill dhe burimet janë shprehur se ata janë bashkë. Ata u ndanë pak muaj më parë pas 2 vitesh të lidhur dhe The Weend pati një lidhje me Selena Gomez e cila le të themi që bëri shumë bujë pasi çifti as nuk donte t’ia dinte për mediat. Bella nga ana tjetër ishte disi më e tërhequr ama duket se The Weeknd ka rënë sërish në prehrin e saj. Në fakt kur i sheh duket se mes tyre ka shumë kimi.

Një tjetër e famshme që i ka dhënë një mundësi ish-të dashurit të saj është Dua Lipa. Çifti është kapur mat në Londër ditën e djeshme më të lumtur se kurrë, të përqafuar dhe të buzëqeshur. Dua dhe Isaac kishin një kohë të gjatë bashkë derisa papritur u deklarua se gjërat kishin marrë fund. Megjithatë edhe pse patën partnerë të tjerë muajt në vazhdim sërish iu kthyen njëri-tjetrit sepse ndoshta dashurinë e shohin veç tek njëri-tjetri.
E pra vajza nëse edhe ju jeni kthyer me ish-in tuaj as mos mendoni se keni bërë gabim. Shijojeni dashurinë, gjithkush e meriton një mundësi të dytë.( Por kujdes, jo të tretën!)