Sport

Driton Kuka: Në shtetin e Spanjës dy herë u njoftuan me shtetin tonë të ri

Autori: Gazeta inFokus 19:08 | 27 June 2018

Driton Kuka është ndarë shumë i kënaqur me xhudistet e tij, Distria Krasniqi e Nora Gjakova, të cilat rrëmbyen të artat në Lojërat Mesdhetare në Tarragona të Spanjës.

Nora Gjakova, në 57 kilogramë, mposhti në finale me Ippon italianen, Miriam Boi, transmeton Koha.net. Kurse edhe Krasniqi fitoi në finale ndaj italianes, Odette Giuffrida.

Këto medalje ishin të parat për Kosovën në Lojërat Mesdhetare, dhe ky sukses e bën krenar trajnerin e tyre Driton Kuka, i cili ka shkruar në Facebook se në Spanjë sot dy herë u njoftuan me shtetin e ri të Kosovës.

-Advertisement-

“Dy të Arta. Lojërat Mesdhetare, Disi e Nora na bënë krenarë. Në shtetin e Spanjës dy herë u njoftuan me shtetin tonë të ri”, ka shkruar Kuka, i cili ka postuar edhe një foto me dy xhudistet e tij.