Sport

Drita, Llapi e Ballkani në Komision Disiplinor

Autori: Gazeta inFokus 20:06 | 12 February 2021

Gjatë ditës së sotme në mbledhjen e mbajtur u shqyrtuan procedurat e hapura nga Komisioni i Garave pas përfundimit të ndeshjeve të Kupës së Kosovës për 1/8-tën e finales dhe u morën disa vendime.

Hapet procedurë disiplinore për FC Llapi nga Podujeva; motivi: Lëshim në organizim të ndeshjes Llapi – Ballkani, zhvilluar me 09.02.2021 në stadiumin “Zahir Pajaziti“, në Podujevë (raportet zyrtare), mos respektim i masave anti Covid-19 si dhe hedhje e fishekzjarrëve në min 1, 4 dhe 34.

Në min 34 ndërprehet loja për 4 min, derisa janë larguar shikuesit nga tribunat. Bazuar në nenin 32 paragrafi1, kërkohet deklaratë shtesë nga zyrtari për siguri nga FC Llapi. Afati datë 15.02.2021.

-Advertisement-

Lojtari i FC Drita me nr 20 ErionVucaj nr ID 011432M90; në procedurë disiplinore për fyerje të rëndë ndaj referit kryesor të ndeshjes, Prishtina – Drita, bazuar në nenin 40 paragrafi 1 pika d të Rregullores disiplinore; dënohet me ndalesë loje për 2 (dy) ndeshje zyrtare sipas radhës të organizuara nga FFK, shkruan faqja zyrtare e federatës kosovare të futbollit.

Lojtari i KF Ballkani me nr 92 Damir Ljuljanoviç nr ID 023426M92 për shkak të kartonit të kuq – lojës me dorë jashtë zonës së rreptësisë (16 metërshit), në ndeshjen Llapi – Ballkani, bazuar në nenin 39 paragrafi 3 të Rregullores disiplinore; dënohet me ndalesë loje për 2 (dy) ndeshje zyrtare sipas radhës të organizuara nga FFK.

Subscribe në YouTube: GAZETA INFOKUSI