Dramatizon shefi i Shtabit të Ushtrisë Serbe, kërkon nga KFOR-i “të mbrojë serbët në Kosovë”
![](https://gazetainfokus.com/wp-content/uploads/2023/06/178430_tan2023-06-2316155111-1_s-e1687532642996-1130x635-1-852x460.jpg)
Autori: Gazeta inFokus
17:25 | 23 June 2023
Shefi i Shtabit të Përgjithshëm të Ushtrisë serbe, gjenerali Milan Mojsiloviq, tha më 23 qershor se i ka kërkuar misionit të NATO-s në Kosovë, KFOR, që të ndërmarrë masa urgjente për të mbrojtur popullatën serbe në Kosovë.
Këtë njoftim ai e bëri gjatë një adresimi të shkurtër për media, në ditën kur Policia e Kosovës arrestoi edhe një serb të dyshuar për pjesëmarrje në sulmin ndaj ushtarëve të KFOR-it më 29 maj në Zveçan.
Gjenerali Mojsilloviq tha se e ka informuar komandantin e KFOR-it, gjeneralmajor Angelo Michele Ristuccia, se “ne po i përcjellim ngjarjet me ankth të madh”.
“Ne kërkojmë që të ndërmerren masa urgjente për të mbrojtur popullatën serbe dhe të drejtën e tyre për mbijetesë. Kjo është lutja jonë për njësitë e KFOR-it dhe institucionet e tjera ndërkombëtare të sigurisë në Kosovë dhe Metohi”, tha Mojsilloviq.
Siç transmeton REL, ai ka shtuar se Ushtria serbe do të përmbushë të gjitha obligimet ligjore ndërkombëtare që dalin nga rezoluta 1244 e Kombeve të Bashkuara.
Sipas tij, është e qartë se sot komuniteti ndërkombëtar nuk po përmbush obligimet e tij.
“Ushtria e Serbisë, në përputhje me Kushtetutën serbe dhe Kartën e OKB-së, nëse merr urdhër nga komandanti suprem, të do kryejë të gjitha detyrat e saj në tërësi në lidhje me krizën e përgjithshme të sigurisë”, tha Mojsilloviq.
Më 23 qershor, Policia e Kosovës arrestoi një serb në Mitrovicë të Veriut, nën dyshimet se ka marrë pjesë në sulmin ndaj KFOR-it.
Ministri i Punëve të Brendshme të Kosovës, Xhelal Sveçla, tha se Nenad Orlloviq, dyshohet se ka marrë pjesë në grupin që ka sulmuar ushtarët e KFOR-it më 29 maj. Nga përleshjet mes serbëve dhe KFOR-it, u lënduan dhjetëra persona nga të dyja palët.
utoritetet në Kosovë kanë pretenduar se “grupet kriminale që mbështeten nga Beogradi” qëndrojnë pas sulmit në Zveçan – një prej katër komunave në veri të Kosovës, të banuara me shumicë serbe.
Zyra për Kosovën në Qeverinë serbe dënoi arrestimin, duke pretenduar se kryeministri i Kosovës, Albin Kurti, “po saboton” dialogun për normalizimin e raporteve Kosovë-Serbi, që ndërmjetësohet nga Bashkimi Evropian.
Tensionet në veri të Kosovës janë rritur që nga 26 maji, kur policia asistoi kryetarët e rinj shqiptarë të hynin në ndërtesat komunale, pavarësisht kundërshtimeve nga serbët lokalë.
Që atëherë, serbët po vazhdojnë të protestojnë para ndërtesave komunale në Leposaviq, Zveçan dhe Zubin Potok. Protestuesit po kërkojnë që kryetarët e rinj të mos punojnë nga ndërtesat komunale dhe që policia të tërhiqet nga veriu.
Komuniteti ndërkombëtar ka bërë thirrje për shtensionimin e menjëhershëm të situatës dhe ka kërkuar mbajtjen e zgjedhjeve të reja në katër komunat në veri.
![](https://gazetainfokus.com/wp-content/uploads/2024/07/Medina-Berisha.png)
Të tjera
-
Kurti: Ne jemi gati për hapjen e Urës së Ibrit, po presim që QUINT e KFOR të koordinohen
Kryeministri i Kosovës, Albin Kurti ka thënë se janë gati për hapjen e urës s...
-
“Summer Cult XI” me risi, shfaqjet në konkurrencë
Edicioni i sivjetëm i Festivalit “Summer Cult” vjen me risi. Pjesëmarrësit do...
-
Viva Fresh Store triumfon në çmimet Best Buy Award 2024/2025 në Kosovë!
Edhe një arritje e jashtëzakonshme, Viva Fresh Store është shpallur fitues i ...
-
Lajçak pas takimit me Vuçiq: I tregoi shqetësimet për serbët e Kosovës
Emisari i BE-së për dialogun, Miroslav Lajçak, ka folur për takimin që e pati...
-
“Po të them mos provoko”: Vizita e Kurtit në veri, arrestohet politikani serb
Lideri i Partisë Demokracia Serbe, Aleksandar Arsenijeviq, është arrestuar në...
-
ShSKUK kërkon të bëhet një zgjidhje sa më e shpejtë për çështjen e sụlmeve të qenve në oborrin e QKUK-së
Shërbimi Spitalor Klinik Universitar i Kosovës (ShSKUK) ka kërkuar që të bëhe...
-
Hoti, Kurtit pas vizitës në KEK: Sot, Kosova s’ka siguri energjetike, asnjë projekt madhor s’ka nisur
Deputeti i LDK-së, Avdullah Hoti ka thënë se në vitin e katërt të mandatit të...
-
Stano: Zbatimi i marrëveshjes kërkesë e Brukselit dhe e Uashingtonit
Zëdhënësi i Bashkimit Evropian, Peter Stano u tha gazetarëve se nuk ka çfarë ...
-
Arrestohet një person në Podujevë, po kërkohej për një vrạsje në tentativë
Një person është arrestuar një person i kërkuar për një vrasje në tentativë n...
-
Krasniqi takohet me shefin e ri të BE-së: PDK e përkushtuar për rrugëtimin evropian të Kosovës
Kryetari i PDK-së, Memli Krasniqi, është takuar me shefin e ri të zyrës së BE...
-
Përleshja me ạrmë me Capat, Shkumbin Sekiraqa deklarohet i pafajshëm
Tashmë ka nisur seanca fillestare ndaj Shkumbin Sekiraqës, i akuzuar për tent...
-
SBASHK: Presim që institucionet të dëshmohen se janë për dialog dhe nuk i duan grevat në arsim
SBASHK vazhdon takimet konsultative me përfaqësuesit e arsimit, nga çerdhet d...