Sport

Drama e Ajaksit, dalin rezultatet e ekzaminimit të talentit Nouri

Autori: Gazeta inFokus 08:57 | 14 July 2017

Mesfushori i Ajaksit të Amsterdamit, Abdelhak Nouri do të vuajë përgjithmonë dëmtime serioze në tru, pas një incidenti fatkeq në miqësoren ndaj Werder Bremen fundjavën e kaluar.

Bota e futbollit është bashkuar rreth dramës së talentit të ekipit holandez, që u regjistrua në Hipah, gjatë fazës përgatitore në Austri. Tashmë, analizat e specializuara dhanë diagnozën e saktë dhe të rëndë mbi 20-vjeçarin.

Edhe pse Nouri e mori veten nga incidenti, që i ndali për pak sekonda zemrën, doktorët nuk ishin në gjendje të ekzaminonin trurin e futbollistit, derisa ai doli nga koma e induktuar. Spitali i Innsbruckut në Austri ishte fillimisht optimist pas skanimeve, por këtë të enjte u konfirmuan dhe zhvillimet tragjike.

-Advertisement-

“Jemi thellësisht të trishtuar që Abdelhak Nouri do të vuajë dëmtime të përhershme dhe serioze në tru. Lutjet dhe mendimet tona shkojnë për të dhe familjen”, shkruan skuadra e Ajaksit në një komunikatë. 20-vjeçari i lindur në Amsterdam shihej si një premtim i madh i futbollit holandez, por me të gjitha gjasat nuk do të prekë më fushat e lojës.

Subscribe në YouTube: GAZETA INFOKUSI