Fokus

Donika Gërvalla zgjedhë të shkelë ligjin për të fshehur pagat e majme të Këshilltarëve të jashtëm

Autori: Gazeta inFokus 11:36 | 22 November 2023

Qysh një muaj më parë Gazeta Infokus, nga burime të besueshme mori informatën se Gani Jakupi e Këshilltarë të tjerë të Jashtëm paguhen me paga të majme nga Ministria e Punëve të Jashtme dhe Diasporës pra nga ministrja Donika Gërvalla me para të shtetit në emër të lobimit për Kosovën.

Me 23 tetor, Infokusi duke provuar që të konfirmojë këtë informatë nga vetë institucioni në fjalë, dërgoi kërkesë për qasje në dokumente, konkretisht në listën me emrat e të gjithë këshilltarëve të jashtëm dhe listën e pagave të tyre.

-Advertisement-

Mirëpo Donika Gërvalla shkeli edhe ligjin për qasje në dokumente i cili e obligon që të kthejë përgjigje duke mos dërguar dokumentet e kërkuara vetëm e vetëm që të mbajë të fshehtë se sa i paguan këta këshilltarë.

Ministria e Punëve të Jashtme nuk ktheu përgjigje brenda afatit 7 ditor ashtu siç e ka obligim ligjor apo edhe të kërkojë afat shtesë deri në 15 ditë nëse ka nevojë. As një përgjigje vetëm heshtje.

Gazeta Infokus përsëri me 10 nëntor në emailet zyrtare të zyrtarëve përgjegjës dhe atij për qasje në dokumente zyrtare, Arben Rugovës ku i ka tërhequr vërejtjen se do të marrë masat e nevojshme ligjore duke qenë se ka kanë kaluar çdo afat ligjor sipas ligjit për qasje në dokumente.

Gazeta Infokus do të vazhdojë të gjitha procedurat ligjore sipas ligjit për qasje në dokumente publike, Neni 7, Pika 8, duke bërë fillimisht ankesë tek avokati i popullit e nëse përsëri nuk jepet përgjegjësi nga MPJD-ja atëherë Infokusi do të padisë Donika Gërvallën në bazë ligjit për qasje në dokumente.

Gani Jakupi merr hiq më pak 7500 euro në muaj që i bie 250 euro në ditë aq sa paga minimale mujore në Kosovë.

Në kohën kur gjendja e qytetarëve është e rëndë e varfëria është rritur edhe për 16%, e madje sipas hulumtimit të fundit ekonomik të UNDP-së, familjet në Kosovë jetojnë me vetëm 1 euro e 85 cent në ditë, përderisa këshilltarë si Jakupi e të tjerë në ditë marrin mbi 250 euro nga buxheti i shtetit.

E për gjithë këtë Ministria e Donika Gërvallës hesht e thyen edhe ligjet në mënyrë që të vazhdojë të japë këto paga të majme për persona të caktuar./Gazeta Infokus/

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë
-Advertisement-

Të tjera

Fokusi

fokus