Lajme

Dodik: Nuk e lejoj që BeH ta njohë pavarësinë e Kosovës

Autori: Gazeta inFokus 10:16 | 02 December 2022

Lideri nacionalist i entitetit serb në Bosnje dhe Hercegovinës, Milorad Dodik, ka thënë se “Republika Srpska”, s’do të lejojë kurrë që BeH ta njohë pavarësinë e Kosovës.

“Ne respektojmë dhe bashkëpunojmë me Beogradin, dhe pikëpamjet e Beogradit për Kosovën, janë gjithashtu pikëpamjet tona dhe ne e ndjekim gjithmonë atë”, theksoi Dodik, transmeton mediumi ballkanik N1.
Dodik vlerësoi se kryeministri Albin Kurti “ka probleme të mëdha për të dëshmuar legjitimitetin e tij”, duke komentuar intervistën e Kurtit për N1, i cili ndër të tjera potencoi se “Kosova nuk do ta lejojë Republikën Srpska brenda Kosovës”.

“Ai është një budalla i zakonshëm, që mendon se mund t’u japë mësime të gjithëve, por ato kohë kanë ikur”.

-Advertisement-

Sipas tij, shqiptarët janë “separatistë” dhe nuk po sillen në përputhje me Rezolutën 1244 të Organizatës së Kombeve të Bashkuara.

“Nuk është ai që duhet të thotë nëse BeH është e kënaqur apo jo me Republikën Srpska – kjo nuk është punë e tij”, duke shtuar se “Kurti mendonte se ishte një mesia që mund të thoshte gjithçka dhe gjithçka”.

Ndryshe, Dodik njihet për deklaratat e tij irridentiste dhe vlen të përmendet se më gjashtë janar të këtij viti, Shtetet e Bashkuara të Amerikës njoftuan se kanë vendosur sanksionone ndaj liderit të serbëve të BeH-së.

Subscribe në YouTube: GAZETA INFOKUSI