Sport

“Do të jetoj në Prishtinë, njoh disa futbollistë të Kosovës” – fjalët e para të Franco Fodas si trajner i Dardanëve

Autori: Gazeta inFokus 14:41 | 17 February 2024

Franco Foda është emëruar trajner i ri i Përfaqësueses së Kosovës.

Trajneri gjerman ka marrë drejtimin e Dardanëve ku në prani të kryetarit të FFK-së, Agim Ademi ka nënshkruar një kontratë dy vjeçare.

Ai është shprehur shumë i lumtur që do të jetë në krye të Dardanëve derisa ka thënë se beson se do të jetë i suksesshëm te Kosova.

-Advertisement-

“Është ditë speciale për njerëzit këtu në Kosovë, edhe për mua. Jam shumë i lumtur që jam këtu. Po shikoj përpara për sfidën e re dhe jam optimist se do të jemi suksesshëm bashkarisht. Është i bindur se bashkë me njerëzit, bashkë me Federatën do t’ia dalë. Qëllimi im është të hy sa më shpejt në rrjedhje të ekipit. Po përgatitemi për ndeshjet e marsit. Pas këtyre ndeshjeve, do të kërkojmë kundërshtar më të përshtatshëm”, ka thënë Foda në konferencën e prezantimit.

Foda ka thënë se do të jetoj në Prishtinë për t’i parë nga afër edhe ndeshjet e Superligës, por do të udhëtoj edhe nëpër vendet e ndryshme të Evropës që t’i takojë futbollistët dardanë.

“Unë do të jetoj në Prishtinë pasi ka lojtarë interesant në Superligë si Dellova apo Krasniqi. Gjithsesi do të udhëtoj edhe jashtë vendit për të parë futbollistët tjerë të Kosovës”, tha Foda.

Foda u pyet edhe për Edon Zhegrovën si dhe për njohjen që ka për futbollistët dardanë.

“Edon Zhegrova është një futbollist shumë i mirë që po luan mjaftë mirë te Lille dhe ai është në planet tona. Çdo futbollistë që jep 100 për qind për Kosovën i ka dyert e hapura dhe do të ftohet”, ka deklaruar Foda.

“Njoh disa lojtarë si Rrahmani, Muriqi, Paqarada, Aliti, Rashica e Kryeziu. Kamë parë disa ndeshje të Kosovës dhe mund të luajmë me disa module të ndryshme si në ofensivë ashtu edhe në defensivë, megjithatë fillimisht duhet të njoftohem me lojtarët dhe të përgatitemi për ndeshjet e muajit mars”, deklaroi Foda.

Subscribe në YouTube: GAZETA INFOKUSI