Lajme

“Ditë e zezë për Gjermaninë”, liberalët europianë reagojnë ndaj fitores së AfD-së në zgjedhjet rajonale

Autori: Gazeta inFokus 16:46 | 02 September 2024

Valérie Hayer, një politikane franceze që shërben si presidente e Liberal Renew Europe, ka thënë se “një ditë e zezë për Gjermaninë është një ditë e zezë për Europën”.

“Rezultati i zgjedhjeve në Turingi dhe Saksoni është i paprecedentë”, shkroi ajo në një postim në X.

“Ne nuk do ta lejojmë Europën të dorëzohet para lëvizjeve raciste, antisemite, mizogjiniste dhe homofobike”, shtoi Hayer.

-Advertisement-

Partia e ekstremit të djathtë, Alternativa për Gjermaninë (AfD) shënoi rezultat historik në zgjedhjet rajonale të së dielës, duke fituar bindshëm në Turinigi, ndërsa doli e dyta, me një diferencë të ngushtë në Saksoni.

Fitorja e AfD-së në Turingi është fitorja e parë në zgjedhje në Gjermani e një partie të ekstremit të djathtë që nga mposhtja e Gjermanisë Naziste në Luftën e Dytë Botërore.

Subscribe në YouTube: GAZETA INFOKUSI