Dita Ndërkombëtare e të Zhdukurve, familjarët kërkojnë hapjen e arkivave serbe
Autori: Gazeta inFokus
20:07 | 31 August 2026
Në vendin tonë, janë edhe rreth 1600 persona të zhdukur me forcë gjatë luftës, të cilët çdo ditë kërkohen nga familjarët e tyre
Në Ditën Ndërkombëtare të Viktimave të Zhdukura me Forcë, gjatë një diskutimi publik të mbajtur nga organizatat ndërkombëtare me familjarët e personave të zhdukur, u kërkua hapja e arkivave të Serbisë për gjetjen e këtyre personave.
Bekim Gashi nga fshati Tërrnje i Suharekës, tash e 27 vjet, në çdo varrezë masive të hapur ka kërkuar katër motrat dhe nënën e tij. Ai ka ndjekur çdo gjurmë të tyre dhe ka rendur pas çdo lajmi për të zhdukurit.
“Të vetmen adresë për zbardhjen e personave të pagjetur e kërkojmë në hapjen e arkivave në Serbi. Personalisht po flas për rastin tonë, dihet se kush e ka kryer krimin, është Brigada 549 dhe ajo i ka shënimet ku ndodhen trupat e më të dashurve tanë”, ka thënë Bekim Gashi, familjar i personave të zhdukur.
Gashi u bën thirrje institucioneve dhe organizatave joqeveritare që të mos japin emra të pakonfirmuar, pasi sipas tij, për familjarët e personave të zhdukur, më i rëndi është një lajm i pavërtetë.
Ndërkohë, mjeku ligjor Dritor Haliti sqaron se për ekzaminimin e ADN-së duhen së paku tre muaj.
“Faza e parë që e bëjmë në institut është që menjëherë e marrim një mostër dhe e dërgojmë në Komisionin Ndërkombëtar për Persona të Zhdukur, ku ajo i nënshtrohet analizave sistematike me qëllim që të nxirret profili i ADN-së, i cili pastaj do të krahasohet me të dhënat dhe gjakun e dhënë të familjarëve dhe pastaj dalim me konstatim”, ka thënë Haliti.
Bekim Blakaj nga Fondi për të Drejtën Humanitare në Kosovë deklaroi se familjarët kanë të drejtë të dinë çdo gjë rreth procesit.
“Familjarët kanë të drejtë që jo vetëm t’i varrosin të afërmit e tyre me nderime të larta, por edhe kanë të drejtë që të dinë çdo gjë rreth procesit dhe pse janë vonuar deri tash gjetja e familjarit të tyre”, ka thënë Blakaj.
Në shënim të Ditës Ndërkombëtare të Viktimave të Zhdukjeve me Forcë, organizatat joqeveritare mbajtën diskutim publik, ku u tha se për vendndodhjen e rreth 1600 personave të zhdukur gjatë luftës së fundit duhet të hapen arkivat në Serbi.

T� tjera
-
Alarmon AUV, tërhiqet nga tregu VITA 3.2%
Agjencia e Ushqimit dhe Veterinarisë (AUV) ka urdhëruar tërheqjen e menjëhers...
-
Tragjedi në Gjermani: Dy të rinj nga Rahoveci humbin jetën në aksident
Një aksident i rëndë trafiku ka ndodhur të dielën në Gjermani, ku kanë humbur...
-
Çitaku: Pas rivotimit, ndërkombëtarët të kontribuojnë në ndryshimin e Ligjit për Specialen
Ushtruesja e detyrës së kryetares së Partisë Demokratike të Kosovës (PDK) në ...
-
Kosova dhe Austria drejt nënshkrimit të marrëveshjes për sigurime sociale
Ministri i Punës, Familjes dhe Vlerave të Luftës Çlirimtare, Andin Hoti, ka p...
-
OVL-UÇK: Nuk kemi besim në Dhomat e Specializuara, asnjë aktgjykim nuk e ndryshon të vërtetën historike të luftës
Organizata e Veteranëve të Luftës së Ushtrisë Çlirimtare të Kosovës (OVL-UÇK)...
-
Të shtëna me armë në Gjakovë, dyshohet për një person të plagosur
Një incident dyshohet se ka ndodhur gjatë pasdites së sotme në Çarshinë e Mad...
-
Pas tetë vitesh në krye të Policisë në Gjakovë, Lumni Graishta emërohet këshilltar në Ferizaj
Kolonel Lumni Graishta, pas afro tetë vitesh në pozitën e drejtorit rajonal t...
-
Lista Studentore e ftuar në Forumin për Zgjerimin në Bruksel, Baucal flet për rivendosjen e marrëdhënieve me fqinjtë
Përfaqësuesit e Listës Studentore që i fitoi zgjedhjet në Serbi po marrin pje...
-
Nesër verdikti në Hagë për rastin e pengimit të drejtësisë, çfarë pret profesori nga Universiteti i Amsterdamit
Dy muaj pasi u dënua me 25 vjet burgim për krime lufte, ish-presidenti i Koso...
-
Një muaj paraburgim për Astrit Haraqinë dhe grupin e arrestuar dje në Prishtinë
Astrit Haraqia dhe personave të tjerë të arrestuar dje në Prishtinë u është c...
-
Ndalohet zyrtari i Gjykatës në Prishtinë, dyshohet se mundësoi regjistrimin e banesës në emër të serbit
Prokuroria Themelore në Prishtinë ka ndaluar për 48 orë një zyrtar me inicial...
-
Trump fajëson teknologjinë e vjetër për kaosin në aeroportet amerikane: “Pati një sulm në zemër”
Presidenti i Shteteve të Bashkuara të Amerikës, Donald Trump, ka fajësuar paj...

































