Sport

Distria Krasniqi dhe Nora Gjakova fillojnë me fitore garat në Kampionatin Evropian

Autori: Gazeta inFokus 13:39 | 03 November 2023

Distria Krasniqi dhe Nora Gjakova kanë marrë fitoret e para në Kampionatin Evropian individual të xhudos që po mbahet në Montpellier të Francës.

Dy xhudistet pejane kanë filluar garat nga raundi i dytë, pasi raundin e parë e kaluan pa ndeshje.

E para ishte Distria, e cila ka fituar pa shumë vështirësi luftën e parë në kategorinë deri në 52 kilogramë.

-Advertisement-

Distria arriti të mposhtë me ‘waza-ari’ kroaten Ana Puljiz për të kaluar në çerekfinale, ku do të ndeshet me Gultaj Mammadaliyeva të Azerbajxhanit.

Fitore në raundin e dytë mori edhe Nora Gjakova në kategorinë deri në 57 kilogramë.

Nora në luftën e saj të parë arriti ta mposht polaken Arleta Podolak, pas tri gabimeve, ndërsa në meçin e radhës do të përballet me gjermane Pauline Starke.

Subscribe në YouTube: GAZETA INFOKUSI
Etiketa:
TEB sjellë edhe kartelën prestigjioze VISA Infinite
-Advertisement-

Të tjera

Fokusi

sport