Lajme

Digjet një shtëpi në Mitrovicë, lëndohet një person

Autori: Gazeta inFokus 09:42 | 08 Tetor 2023

Një shtëpi është djegur ditën e diel në Mitrovicë.

Policia bën të ditur se gjatë përpjekjeve për ta fikur zjarrin, një person ka pësuar lëndime, transmeton Telegrafi.

“Rr. Ali Pasha Gucia, Mitrovicë Veri 07.10.2023 – 06:30. Raportohet se në rrethana deri më tani të panjohura është përfshirë nga zjarri një shtëpi. Njësitë relevante policore dhe zjarrfikësit kanë dalur në vendin e ngjarjes, zjarrfikësit kanë lokalizuar zjarrin. Në përpjekje për ta fikur zjarrin një person ka pësuar lëndime, ndërsa si pasoj e zjarrit një shtëpi është djegur tërësisht ndërsa një objekt përcjellës dhe një shtëpi tjetër janë dëmtuar pjesërisht”, bëhet e ditur në njoftim.

-Advertisement-

Në njoftimin e bërë për media, policia njofon se rasti po vazhdon të hetohet.