Lajme

Dialogu Kosovë-Serbi, Lajçak: Mezi presim takim e radhës në Ohër, në fund të muajit

Autori: Gazeta inFokus 10:08 | 02 March 2023

I dërguari i Bashkimit Evropian për dialogun Kosovë-Serbi, Miroslav Lajçak ka thënë sot se mezi presin takimin e radhës në kuadër të dialogut, që do të mbahet në fund të muajit në Ohër.

Lajçak në një postim në Twitter bën të ditur se ka pasur një takim me zëvendëskryeministrin maqedonas për çështje evropiane, Bojan Mariçiq, gjersa e ka falënderuar Maqedoninë e Veriut për mbështetjen e dialogut Kosovë-Serbi.

“Një takim të shkëlqyer me zëvendëskryeministrin Mariçiq. I jam mirënjohës Maqedonisë për mbështetjen e fortë ndaj dialogut dhe mezi pres takimin e radhës për dialogun në Ohër, në fund të muajit.

-Advertisement-

Diskutuam gjithashtu çështje thelbësore për të ardhmen e Maqedonisë së Veriut në Bashkimin Evropian”, shkruan Lajçak.

Ndryshe, të hënën në Bruksel kryeministri i Kosovës, Albin Kurti dhe presidenti i Serbisë, Aleksandar Vuçiq janë pajtuar për Planin evropian për normalizimin e marrëdhënieve.

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme