Lajme

Deputeti i PDK-së i bashkohet protestës kundër Qeverisë Kurti

Autori: Gazeta inFokus 11:54 | 15 July 2023

Deputeti i Partisë Demokratike të Kosovës, Rashit Qalaj ka deklaruar se do t’i bashkohet protestës së thirrur sot kundër Qeverisë Kurti.

Qalaj përmes një njoftimi në Facebook, ka bërë të ditur se do të jetë në mesin e protestuesve në sheshin “Skënderbeu”.

“Sot do të jem përkrahës i protestës në sheshin “ Skënderbeu” kundër skandaleve të Qeveris Kurti dhe veprimeve të sajë kundër vlerave të UÇK-së”, thuhet në postimin e Qalajt.

-Advertisement-

Shoqëria Civile, partitë opozitare e organizatat e dala nga lufta kanë mbështetur protestën e thirrur për sot.

Protesta është organizuar me qëllim të kundërshtimit të “koordinimit të Qeverisë me Milan Radojiçiç-in” dhe “kundër shkeljes së të drejtave të luftëtarëve të UÇK-së”.

Në njoftimin e publikuar dje nga organizatorët e protestës thuhej se do të kërkohet që Mimoza Kusari-Lila ta dorëzojë mandatin e saj të deputetes.

“Qeveria e Kosovës nuk po tërhiqet na veprimet skandaloze. Prandaj, të shtunën më 15 korrik protestojmë të gjithë kundër skandaleve qeveritare, kundër koordinimit me Millan Radojqiqin! Kundër shkeljes së të drejtave të luftëtarëve të UÇK-së.

Mioza Kusari, duhet ta dorëzojë mandatin. Një politikane që është zënë duke u koordinuar me Milan Radojçiqin, kundër luftërave të UÇK-së nuk duhet të jetë pjesë e Kuvendit të Kosovës”, thuhej në njoftim.

Protesta do të mbahet sot në sheshin “Skënderbeu” në Prishtinë me fillim nga ora 18:00.

Subscribe në YouTube: GAZETA INFOKUSI
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme