U deportuan për në Turqi pak orë pas arrestimit.

E ky veprim i marrë nga Institucionet kosovare për gjashtë shtetasit turk u përcoll me kritika të shumta, shkruan Infokusi.com

Madje po konsiderohet edhe i jashtëligjshëm.

Avokati, Tahir Rrecaj ka thënë për Infokusin se deportimi i gjashtë shtetasve turk pak orë pas arrestimit është i jashtëligjshëm. Me këtë veprim janë shkelur ligjet vendore, kriteret kushtetuese dhe Konventa e të drejtave të njeriut.

‘Unë konsideroj që dje Kosovë me deportimin e shtetasve turk nuk janë respektuar kriteret as me ligjet vendore, as kriteret kushtetuese dhe po ashtu i ka shkelë edhe Instrumentet ndërkombëtare për të drejtat e njeriut, konventën evropiane e cila rregullon çështjen e depërtimit dhe ekstradimit të shtetasve të huaj’, ka thënë Rrecaj.

Ai madje ka shtuar se deportimi ka dëmtuar rëndë imazhin e Kosovës.

‘Kjo nuk ka guxuar të ndodhe sepse dëmton rëndë edhe imazhin e drejtave të Kosovës, dëmton demokracinë dhe shkel rëndë të drejtat e njeriut’, ka thënë ai.

Rrecaj ka thënë gjithashtu se shtetasit turk të depërtuar mund të bëjnë ankesë ndërsa Gjykata kompetente do të marrë një vendim rreth urdhrit të lëshuar për depërtim.

‘Siç është e rregulluar me ligjin për të huaj secili person që duhet të depërtohet nga territori i Republikës së Kosovës ka të drejtë ankesë kundër urdhrit për deportim të lëshuar nga autoritetet vendore dhe lidhur me atë urdhër duhet të vendosë gjykata kompetente.’, ka thënë ai.

Ndërsa rreth ekstradimit, Rrecaj ka thënë se duhet provuar të gjitha mjetet juridike ndërsa fjala e fundit bie mbi ministrin e Drejtësisë.

‘Në qoftë kemi të bëjmë me procedurën e ekstradimit pas kërkesës së shtetit kërkues atëherë këto procedura duhet të zhvillohen nga ana e Prokurorisë dhe Gjykatës komente të cilat po ashtu kundër vendimit të Gjykatës i kërkuari për ekstradim ka të drejtë ankese dhe derisa të shteren të gjitha mjetet juridike ai nuk ekstradohet. Por në situatat kur edhe instanca e fundit, Gjykata lejon ekstradimin atëherë është në kompetencën e ministrit të Drejtësisë që të lejojë ose jo ekstradimin sepse çështjet e ekstradimit janë pak a shumë edhe të karakterit politik’, ka thënë ai.

Institucioni Arsimor Gylistan ka në pronësi shkollat ’ Mehmet Akif’ në të cilën përfshihen kopshte, institucione parashkollore, shkolla fillore dhe të mesme në gjithë Kosovën

Mëngjesin e së enjtes gjashtë shtetas turq, drejtues të Shkollës “Mehmet Akif” në Kosovë, u arrestuan dhe më pas u deportuan për në Turqi.

E të premten kryeministri i Kosovës, Ramush Hardinaj u ka dërguar kërkesë shefit të AKI-së, Driton Gashit dhe ministrit të Punëve të Brendshme, Flamur Sefajt për lirim nga detyra pas mos informimit rreth ndërprerjes së leje qëndrimit, ndalimit dhe depërtimit urgjent të gjashtë qytetarëve turk nga Kosova për në Turqi.

Të parin kryeministri nuk mund ta shkarkojë i vetëm pasi emërimi i tij bëhet nga Presidenti i Kosovës dhe Kryeministri dhe e njëjta procedurë duhet ndjekur edhe për shkarkimin e drejtorit të AKI-së.

Infokusi pak minuta më parë kishte raportuar se shefi i AKI-së, Driton Gashi gjatë ditës do t’ia ofroi dorëheqjen e tij, duke mos pritur kështu shkarkimin nga Presidenti të Kosovës, Hashim Thaçi dhe kryeministri Ramush Haradinaj.(Agnesa Çitaku)/INFOKUSI

Spektakli i Vitit, Ekskluzivisht në Artmotion – BBVK3!

Sponsoruar