Sport

Dënohet skuadra shqiptare

Autori: Gazeta inFokus 19:18 | 22 August 2018

Komisioni i Disiplinës i FSHF-së ka vendosur pak më parë për ta dënuar me 5 ndeshje pa tifozë në stadiumin e tij ekipin e Skënderbeut, për shkak të dhunës masive që shpërtheu gjatë ndeshjes me Partizanin të premten që shkoi.

Pritej një dënim i ashpër dhe përveç këtyre ndeshjeve me stadiumin të boshatisur, korçarët duhet të paguajnë edhe një gjobë prej 300 mijë lekësh të rinj.

Në bazë të këtij dënimi, Skënderbeut i takon ta mbyllë fazën e parë të kampionatit pa tifozë në stadiumin e tij, madje edhe ndeshjen e fazës së dytë me Kastriotin.

-Advertisement-

E sigurt është që korçarët do të luajnë pa tifozë në ndeshjet me Laçin, Tiranën dhe Kukësin, që janë tri të radhës në stadiumin “Skënderbeu”.

Nëse drejtuesit e klubit paguajnë, tifozët mund të kthehen ndaj Kamzës në javën e 9-të, nëse jo atëherë do të kthehen në javën e 13-të ndaj Flamurtarit.

Pesë ndeshjet e radhës të Skënderbeut në fushën e vet:

Skënderbeu – Laçi (java 3)

Skënderbeu – Tirana (java 5)

Skënderbeu – Kukësi (java 7)

Skënderbeu – Kamza (java 9)

Skënderbeu – Kastrioti (java 11)

Subscribe në YouTube: GAZETA INFOKUSI